U Rasii zatrymali kamandzira desantnikaŭ, jakija źvierstvavali ŭ Bučy. Ale zatrymali jaho za inšaje
Kontrvyviedka FSB zatrymała kamandzira 83-j asobnaj hvardziejskaj desantna-šturmavoj bryhady ŭ Bučy. Jaho padazrajuć u machlarstvie.
Supracoŭniki orhanaŭ vajskovaj kontrvyviedki FSB zatrymali kamandzira 83-j asobnaj hvardziejskaj desantna-šturmavoj bryhady Arcioma Haradziłava. Jak piša «Kommiersant», hvardyi pałkoŭnika, jaki znachodzicca pad sankcyjami ZŠA i inšych krain, padazrajuć u machlarstvie ŭ asabliva bujnym pamiery.
Što mienavita i na jakuju sumu stavicca ŭ vinu Haradziłavu, pakul nieviadoma.
U 2023 hodzie Haradziłava ŭklučyli ŭ sankcyjnyja śpisy ZŠA. Jaho proźvišča fihuravała ŭ cełym šerahu publikacyj zamiežnych ŚMI ab vajennych złačynstvach, učynienych va Ukrainie.
U 2022 hodzie New York Times apublikavała rasśledavańnie zabojstvaŭ mirnych žycharoŭ u pryharadzie Kijeva Bučy, jakaja ŭ sakaviku znachodziłasia pad rasijskaj akupacyjaj.
Žurnalisty vosiem miesiacaŭ vyvučali zapisy z kamier nazirańnia, kadry, źniatyja miascovymi žycharami i raźviedvalnymi dronami, razmaŭlali ź vidavočcami. U vyniku śledčyja zmahli identyfikavać 22 rasiejskich vajskoŭcaŭ z 234-ha hvardziejskaha desantna-šturmavoha pałka PDV pad kamandavańniem, na toj momant, padpałkoŭnika Arcioma Haradziłava, jakija majuć dačynieńnie da zabojstvaŭ.
Hazieta nazyvała zabojstvy i pakarańni metanakiravanaj kampanijaj rasiejcaŭ dla «ačystki» šlachu ŭ Kijeŭ i śćviardžała, što złačynstvy adbyvalisia na zahad abo ź viedama načalstva.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary