«Jak kryło samalota». Biełaruska pakazała ŭ tyktoku hryby pa canie 518 rubloŭ za kiło
Biełaruska apublikavała ŭ tyktoku videa, dzie pakazała canu ŭ hrodzienskim hipiermarkiecie na adzin vid hryboŭ: bolš za 500 rubloŭ za kiło. Adnyja kamientatary nazvali košt vysokim, inšyja ž skazali, što dla takich hryboŭ ceńnik narmalny, piša Telegraf.news.
«Biełyja hryby, dumali, za kiłahram — 25 rubloŭ, a tut, atrymlivajecca, za kiłahram u nas 518. Biełyja hryby sušanyja. Karaciej, takaja voś halinka — 25, zvarjacieć!» — padzialiŭsia adzin z aŭtaraŭ rolika.
U podpisie da videa jahonaja žonka ŭdakładniła, što va ŭpakoŭcy — siem hryboŭ.
«Kolki siabie pamiataju, jany ŭsio žyćcio kaštavali, jak kryło ad samalota», — adznačyła adna kamientatarka.
Ale z takoj acenkaj nie ŭsie pahadzilisia. Inšy juzar rastłumačyŭ, što baraviki, naprykład, pry sušcy hublajuć paradku 90% vahi.
«Na 1 kh sušanych treba 10 kh śviežych. U viadry — 3-3,5 kh, značyć, treba 3 viadry adbornych baravikoŭ!» — padzialiŭsia raźlikami jon.
«Cana narmalnaja», — napisała druhaja kamientatarka.
«Vielmi tanna», — padtrymaŭ jaje treci.
Kak vam takaja ciena za biełyje hriby? Na vietočkie 7 hribov
Darečy, u servisie edostavka ŭpakoŭka biełych sušanych hryboŭ vahoj 30 h kaštuje 15,99 rubla, a skrynka na 45 h ad inšaha vytvorcy — 13,99. Adnak u apošnim vypadku heta asarci ź biełymi hrybami.
Prykładna takija ž ceny i ŭ sietcy Green: upakoŭka vahoj 30 h kaštuje 16,99 rubla, a 50 h — 24,69.
U Biełarusi źbirajucca pravodzić renavacyju pa šlachu Rasii — znosić chruščoŭki i pierasialać žycharoŭ19
Kamientary