FSB śćviardžaje, što spyniła sprobu pierahonu va Ukrainu stratehičnaha bambavika VKS Rasii
Pa źviestkach viedamstva, ukrainskaja raźviedka sprabavała zavierbavać rasijskaha vajennaha lotčyka. Jamu prapanoŭvałasia vialikaja suma hrošaj i hramadzianstva Italii, za toje kab jon pieralacieŭ na rakietanoscy va Ukrainu.
Rasijskaje viedamstva raspaŭsiudziła pres-reliz, u jakim siłaviki dajuć spravazdaču ab «pieraduchileńni zhonu» samalota na ŭkrainskuju terytoryju. U FSB miarkujuć, što da hetaha datyčnyja «śpiecsłužby krain NATA».
Siłaviki nie nazyvajuć imia lotčyka, jakoha, ź ich słoŭ, chacieli zavierbavać ukrainskija śpiecsłužby. Centr hramadskich suviaziaŭ FSB apublikavaŭ videa, dzie čałaviek u šlemie ahladaje bambavik i zakadravy źmienieny hołas raspaviadaje viersiju FSB.
Pavodle hetych słoŭ, lotčyku napisaŭ nieviadomy ŭ telehramie, prapanavaŭ padpalić techniku, pahražaŭ jaho svajakam i patrabavaŭ pieradać usie dadzienyja pa samalotach.
«Ja pajšoŭ da kamandavańnia i ŭsio raspavioŭ. Moj surazmoŭca navat nie chavaŭ, što z ukrainskich śpiecsłužbaŭ. Pradstaviŭsia Paŭło, prapanavaŭ skraści bajavy samalot na terytoryju Ukrainy. Ale nie prosta samalot, a daloki bambavik-rakietanosiec, nośbit jadziernaj zbroi», — kaža źmienieny hołas.
U FSB taksama dadali, što «apieratyŭnaja hulnia» dazvoliła «nanieści ŭdar pa aeradromie USU Aziornaje».
Ukrainski bok nie kamientavaŭ zajavu FSB.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary