Novy pasoł atrymaŭ paŭnamoctvy vice-premjera pa adnosinach z Rasijaj i ciapier adkazvaje za heta hałavoj
Alaksandr Rahožnik niasie piersanalnuju adkaznaść za prasoŭvańnie intaresaŭ Biełarusi ŭ Rasii.
Pasoł Biełarusi ŭ Rasii Alaksandr Rahožnik atrymaŭ paŭnamoctvy vice-premjera pa adnosinach z uschodnim susiedam. Taki ŭkaz padpisaŭ Łukašenka, paviedamlaje BiełTA.
Rahožnik pryznačany paŭnamocnym pradstaŭnikom Biełarusi pry Ekanamičnaj radzie SND, śpiecyjalnym pradstaŭnikom Biełarusi pa pytańniach intehracyjnaha supracoŭnictva ŭ ramkach sajuznaj dziaržavy, JEAES, SND i ADKB pa sumiaščalnictvie.
Akramia taho, pasoł budzie kaardynavać dziejnaść respublikanskich orhanaŭ dziaržaŭnaha kiravańnia i inšych arhanizacyj, padparadkavanych uradu, pradstaŭnikoŭ Biełarusi ŭ orhanach sajuznaj dziaržavy, davać im abaviazkovyja dla vykanańnia ŭkazańni i kantralavać ich realizacyju.
Va ŭkazie havorycca, što Rahožnik niasie piersanalnuju adkaznaść za prasoŭvańnie nacyjanalnych intaresaŭ Biełarusi ŭ sajuznaj dziaržavie i adnosinach z Rasijaj.
Nahadajem, papiarednik Rahožnika Dźmitryj Kruty pajšoŭ na pavyšeńnie — jon atrymaŭ pasadu kiraŭnika administracyi Łukašenki.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»19
Kamientary