Absalutnaja bolšaść palakaŭ padtrymlivaje zakryćcio čyhunačnych znosin ź Biełaruśsiu
Apytańnie praviali 5-7 lipienia.
Absalutnaja bolšaść palakaŭ padtrymlivaje zakryćcio čyhunačnaha punkta propusku na miažy ź Biełaruśsiu. Daśledavańnie IBRiS pakazaŭ, što za pryniaćcie takoj miery vystupajuć 71,8 pracenta ŭdzielnikaŭ apytańnia.
13,2% respandentaŭ vystupili suprać, jašče 15,1% nie vyznačylisia, piša wydarzenia.interia.pl sa spasyłkaj na Rzeczpospolita.
Zakryćcio čyhunačnaha pierachodu ź Biełaruśsiu padtrymali ŭ pieršuju čarhu mužčyny (74 pracenty), ludzi va ŭzroście 50 hadoŭ (95 pracentaŭ), žychary siarednich haradoŭ (83 pracenty) i ludzi z samym nizkim uzroŭniem adukacyi (77 pracentaŭ).
Apytańnie IBRiS stała reakcyjaj na zajavy polskich uładaŭ ab mahčymaści poŭnaha zakryćcia miažy ź Biełaruśsiu ŭ jakaści reakcyi na kryzis ź mihrantami. Akramia taho, meta takoha cisku na režym Łukašenki — vyzvaleńnie palitviaźniaŭ, u tym liku Andžeja Pačobuta.
Napiaredadni na sustrečy sa Śviatłanaj Cichanoŭskaj kiraŭnik MZS Polščy Radasłaŭ Sikorski ŭ čarhovy raz adznačyŭ, što polski ŭrad surjozna razhladaje varyjant poŭnaha zakryćcia miažy ź Biełaruśsiu dla hruzaŭ.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary