Z pačatku hoda 36 čałaviek źnikli ŭ lasach padčas zboru hryboŭ i jahad. Milicejski čynoŭnik viedaje, chto vinavaty
U 2024 hodzie ŭžo 36 biełarusaŭ zhubilisia ŭ lasach, pošuki dzieviaci čałaviek usio jašče praciahvajucca. Pra heta 11 lipienia raskazaŭ načalnik adździeła arhanizacyi vyšukovaj pracy hałoŭnaha ŭpraŭleńnia kryminalnaha vyšuku MUS Biełarusi Dźmitryj Krukaŭ.
«My viadziem statystyku ludziej, jakija źnikli padčas zboru dzikarosaŭ u lasnych masivach. Za apošniaje dziesiacihodździe heta było ad 120 da 420 čałaviek u hod. Na 10 lipienia 2023 hoda było zarehistravana 15 takich vypadkaŭ, ź ich dvaich my nie zmahli znajści. U hetym hodzie na anałahičnuju datu ŭ nas užo 36 źnikłych. Na žal, pošuki dzieviaci čałaviek praciahvajucca», — paviedamiŭ milicejski čynoŭnik.
Pry hetym jon aryhinalna znajšoŭ vinavatych u takoj situacyi. Maŭlaŭ, kab ludzi nie chvalilisia naźbiranymi hrybami i jahadami ŭ sacsietkach i na forumach — to i chadziła b u les, a adpaviedna prapadała b, ludziej mienš.
«Ščaślivyja hrybniki publikujuć fatahrafii nieviadoma jakoha hoda, vychvalajučysia niebyvałymi ŭradžajami. Usio heta padahravaje masavy intares. I nichto nie admianiaŭ viečnaje sarafannaje radyjo: chtości ŭdała schadziŭ u les, raskazaŭ u vioscy — i piensijaniery tudy pajšli», — skazaŭ Dźmitryj Krukaŭ.
U zonie ryzyki, pavodle jaho, znachodziacca pažyłyja hramadzianie, asabliva starejšyja za 70 hadoŭ, jakija žyvuć u sielskaj miascovaści. Mienavita tamu, maŭlaŭ, lubiać iści ŭ les u hryby i jahady, nikomu pra heta nie skazaŭšy. A tamu Krukaŭ raić ich rehularna naviedvać i pastavić kožny krok pad žorstki kantrol:
«Vy vydatna razumiejecie, što jany nie zmohuć siadzieć i hladzieć u akno — usio adno sarvucca. Prahulajciesia ź imi pa lesie i naźbirajcie hryboŭ, kab heta było pad vašym kantrolem».
«Jak dźmuchaŭcoŭ u poli». Biełarusy raskazali, jakija hryby stali źjaŭlacca paśla ŭstojlivaj śpioki i karotkich daždžoŭ
Navukoŭcy sprahnazavali, jaki sioleta budzie ŭradžaj hryboŭ i jahad
300 dalaraŭ za tur u hryby, 400 — kab trapić u zakryty čat amataraŭ hryboŭ: biełaruski hrybnik pradaje svaje viedy
Akazvajecca, źbirajučy hryby, možna narvacca na štraf. Čaho rabić nielha?
«Za raz sabraŭ 500 hryboŭ!» Biełarus navučyŭsia biespamyłkova vyznačać supieruradžajnyja palany
Hrybnik naźbiraŭ na Minščynie zajzdrosnuju palanu baravikoŭ i padasinavikaŭ
«Kali b Zachad zatrymlivaŭ łukašenkaŭskich ahientaŭ, moh by być abmienny fond». Viačorka — pra palitviaźniaŭ, kadravuju ciakučku ŭ Kabiniecie, situacyju na miažy i vizy68
Kamientary