Tramp paprasiŭ svaju eks-supiernicu naviedać źjezd Respublikanskaj partyi
Takim čynam Tramp chacieŭ pasprabavać abjadnać Respublikanskuju partyju.
![](http://nashaniva.com/img/w840d4webp1/photos/z_2024_02/nikki_haley_ap240206-7y9sy.jpg.webp)
Eks-prezident ZŠA Donald Tramp patelefanavaŭ svajoj byłoj supiernicy ŭ baraćbie za prezidenckuju naminacyju Niki Chejli i paprasiŭ jaje naviedać Nacyjanalny źjezd Respublikanskaj partyi ŭ Miłuoki, piša Bloomberg.
Tramp telefanavaŭ Chejli paśla taho, jak atrymaŭ ranieńnie ŭ vyniku zamachu, jakoje adbyłosia na pieradvybarnym mierapryjemstvie ŭ Piensilvanii.
Surazmoŭcy ahienctva na ŭmovach ananimnaści raspaviali, što takim čynam Tramp chacieŭ pasprabavać abjadnać Respublikanskuju partyju.
Były prezident karystajecca rostam dobrazyčlivaści, kab źviarnucca z prośbami da ludziej, jakija ŭ advarotnym vypadku mahli b admovicca, dadaje Bloomberg.
Krynicy paviedamlajuć, što Chejli pavinna vystupić na źjeździe ŭ aŭtorak.
Na minułym tydni jana zaklikała svaich delehataŭ padtrymać Trampa i nazvała źjezd «časam dla adzinstva respublikancaŭ».
U toj ža čas pamočniki Chejli raniej davali zrazumieć, što jana nie budzie prysutničać na źjeździe.
U mai Chejli zajaŭlała, što budzie hałasavać na prezidenckich vybarach za svajho byłoha apanienta Donalda Trampa.
Zamach na Donalda Trampa: u jaho stralali ŭ čas vystupu ŭ Piensilvanii
Što źmianiaje zamach na Trampa?
Tramp prybyŭ u Miłuoki na źjezd Respublikanskaj partyi
Jak adrazu paśla zamachu na Trampa sacsietki zapoŭnili teoryi zmovy i pry čym tut Iłan Mask
Bajden źviarnuŭsia da nacyi ŭ suviazi z zamacham na Trampa
Kamientary