U Žłobinie admianili ŭračystaje adkryćcio fłahštoka, kivajuć na nadvorje
17 lipienia ŭ Žłobinie pavinna było adbycca adkryćcio fłahštoka i cyrymonija ŭručeńnia paśviedčańniaŭ ab zaniasieńni na rajonnuju Došku honaru. Dla stvareńnia masavaści čynoŭniki adździeła adukacyi Žłobinskaha rajvykankama płanavali pryciahnuć rabotnikaŭ haradskich ustanoŭ adukacyi, a šyrokaj hramadskaści pra płany praviadzieńnia ŭračystaha mierapryjemstva nie paviedamlałasia, piša «Fłahštok». Ale ŭ peŭny momant niešta pajšło nie tak.
![](http://nashaniva.com/img/w840d4webp1/photos/z_2024_07/image6697bbeb02353lg-d6mgj.jpeg.webp)
Zhodna z daviedzienaj raznaradkaj, pra jakuju «Fłahštok» daviedaŭsia ad svajoj krynicy, źviazanaj ź sistemaj adukacyi, na mierapryjemstvie pavinny byli prysutničać bolš za 130 rabotnikaŭ miascovych škoł i himnazij. Udzielniki masoŭki pavinny byli mieć pry sabie dziaržaŭnuju atrybutyku z raźliku 1 ściah na 10 supracoŭnikaŭ i pavietranyja šaryki ŭ kožnaha.
Uračystaje mierapryjemstva pavinna było pačacca siońnia ŭ 16:00. Adnak «u suviazi sa składanymi ŭmovami nadvorja» ŭ Žłobinskim rajvykankamie vyrašyli admovicca ad praviadzieńnia mierapryjemstva. Novaja data adkryćcia fłahštoka pakul nie vyznačanaja.
![](http://nashaniva.com/img/w732d4webp1/photos/z_2024_07/image6697c17284306lg-3gelj.jpeg.webp)
«Fłahštok» źviartaje ŭvahu, što na 17 lipienia sinoptyki nie abiacali ekstremalnych umoŭ nadvorja. U suviazi z hetym možna mierkavać, što ekstrannaja admiena mierapryjemstva źviazanaja z nastupstvami ŭrahanu, jaki prajšoŭ pa Homielščynie ŭ niadzielu.
Viadoma, što na ŭstanoŭku fłahštoka i ŭparadkavańnie prylehłaj terytoryi ź biudžetu było vydzielena 184 tysiač BYN (57 tysiač USD). Košt vyrabu samoj kanstrukcyi fłahštoka nieviadomy.
Niekatoryja biełarusy sustrakali ŭčarašni ŭrahan, kupajučysia ŭ voziery VIDEA
Za minułyja sutki biez elektryčnaści zastalisia amal 2000 nasielenych punktaŭ krainy
Apakalipsis u Mazyry. Štorm nakryŭ Homielščynu
Mazyrskija ŭłady pryznali, što pieraboi z vodazabieśpiačeńniem u horadzie zastajucca
Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać
Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna
Kamientary