Na nastupnyja vychadnyja adnaŭlaje pracu lehiendarny «Reaktar». Hulać buduć try dni
Dva miesiacy tamu stała viadoma, što «Reaktar», lehiendarny minski kłub nulavych hadoŭ, chutka znoŭ adnović pracu ŭžo z novymi uładalnikami. Hety dzień nastanie ŭžo ŭ nastupnyja vychadnyja, i hudzieć z hetaj nahody buduć ažno try dni, daviedaŭsia «Anłajnier».
![](http://nashaniva.com/img/w840d4webp1/photos/z_2024_07/2024-07-17195047-mp9on.jpg.webp)
Novaje naradžeńnie lehiendy nulavych płanujuć raściahnuć na ŭvieś uik-end, z 26 pa 28 lipienia. Pryčym abiacajuć maksimalna raznastajnuju prahramu, jakaja zadavolić prychilnikaŭ usich žanraŭ. Voś jak heta bačyć adna z uładalnic novaha «Reaktara» Śviatłana Ramonka:
«Piatnicu my płanujem addać pad pank-rok i indzi-rok. Kancert płaŭna pieraciače ŭ načnuju viečarynku z dydžejami. Subota — dzień mietału. My zaprasili kłasnyja mienavita miascovyja biełaruskija mietał-hurty. Nočču — znoŭ dydžei i viečarynka. I niadzielu my pakinuli dla «trušnych» prychilnikaŭ repu. Vystupiać lehiendarnyja «Niestandartny varyjant» i jašče niekalki kłasnych artystaŭ».
![](http://nashaniva.com/img/w732d4webp1/photos/z_2024_07/ba26ac43b6437701b10232d27ce0b888-6c9fp.jpg.webp)
Płanujucca taksama rozyhryš pryzoŭ dla haściej i jašče «šmat čaho cikavaha».
Ciapier robiacca apošnija kroki pa padrychtoŭcy kłuba da ŭsich hetych mierapryjemstvaŭ. Užo pryvieźli i ŭstalavali aparaturu, a taksama značna pavialičyli scenu ŭ paraŭnańni z tym, što było raniej. Ciapier jaje pamier u samych dalokich punktach — 9 na 6 mietraŭ.
«Spadziajemsia, na joj vystupić jak maha bolš topavych mienavita našych hurtoŭ. Tamu što adna z hałoŭnych metaŭ, jakija stavić pierad saboj kamanda, — maksimalna padtrymać krutych łakalnych artystaŭ, pakazać, što biełaruskaja muzyka jašče žyvaja, — raskazała Śviatłana Ramonka.
Kamientary