Ułady ZŠA abvinavacili nieanacysta z Hruzii ŭ padrychtoŭcy masavaha atručvańnia dziaciej u Ńju-Jorku
Ułady ZŠA vystavili abvinavačvańnie 21-hadovamu nieanacystu z Hruzii Michaiłu Čchikvišvili pavodle spravy ab padbuchtorvańni da złačynstvaŭ na hlebie nianaviści i aktaŭ masavaha hvałtu ŭ Ńju-Jorku. Pra heta havorycca ŭ pres-relizie Miniusta ZŠA, piša «Mieduza».
![](http://nashaniva.com/img/w840d4webp1/photos/z_2024_07/ffa207e4e0f9a854e1fd090958277bb8-p6ueh.jpg.webp)
Śledčyja nazyvajuć Čchikvišvili, viadomaha pad mianuškaj «Kamandzir Miaśnik«, mierkavanym lidaram ruchu Maniacs Murder Cult («Mańjaki. Kult Zabojstvaŭ»). Jahonyja ŭdzielniki, jak śćviardžajecca,
«prytrymlivajucca nieanacysckaj ideałohii i prapahandujuć hvałt u adnosinach da rasavych mienšaściaŭ, habrejskaj supolnaści i inšych hrup, jakija jany ličać «niepažadanymi».
Miarkujecca, što centry hetaj arhanizacyi mieściacca ŭ Rasii i Ukrainie, adnak jaje čalcy jość i ŭ inšych krainach, uklučajučy ZŠA, piša The Washington Post.
Sam Čchikvišvili byŭ aryštavany ŭ Małdovie 6 lipienia pa ordary Interpała. Jak adznačaje amierykanski Miniust, Čchikvišvili prykładna ź vieraśnia 2021 hoda raspaŭsiudžvaŭ svoj manifiest pad nazvaj «Daviednik nienaviśnika», u jakim byli sfarmulavanyja asnoŭnyja pryncypy ruchu i ŭtrymlivalisia zakliki da hvałtu.
Čchikvišvili śćviardžaŭ, što «zabivaŭ dziela biełaj rasy», i zaklikaŭ svaich prychilnikaŭ da praviadzieńnia «etničnych čystak». Jon prapanoŭvaŭ, u pryvatnaści, vykarystoŭvać dziaciej u jakaści terarystaŭ-śmiarotnikaŭ.
Asobna ŭ daviedniku zaachvočvalisia napady na amierykanskaj terytoryi. Sam abvinavačany naviedaŭ ZŠA jak minimum dvojčy viasnoj i letam 2022 hoda. Śledstvu viadoma, što pieršy raz jon spyniŭsia ŭ svajoj babuli ŭ Bruklinie. Nie paźniej za lipień taho ž hoda Čchikvišvili pačaŭ, vidavočna, vierbavać prychilnikaŭ. U jakaści adnaho ź ich vystupiŭ ahient FBR pad prykryćciom.
U vieraśni 2023 hoda ahient napisaŭ Čchikvišvili, spytaŭšy, ci praduhledžvaje ŭstupleńnie ŭ arhanizacyju jakuju-niebudź praceduru padačy «zajaŭki».
Pavodle źviestak Miniusta ZŠA, mierkavany lidar ruchu adkazaŭ, što treba dasłać videa «žorstkaha źbićcia, padpału/vybuchu abo zabojstva». Jon taksama dadaŭ, što achviarami hetych złačynstvaŭ pavinny być pradstaŭniki «nižejšych ras».
U listapadzie, pavodle danych śledstva, Čchikvišvili pačaŭ rychtavać masavuju ataku ŭ Ńju-Jorku, jakaja pavinna była adbycca napiaredadni Novaha hoda. Jak śćviardžaje Miniust, płanavałasia, što čałaviek u kaściumie Santa-Kłaŭsa budzie razdavać atručanyja cukierki «rasavym mienšaściam» i «dzieciam u habrejskich škołach u Bruklinie».
U vypadku pryznańnia vinavatym Čchikvišvili pahražaje da 20 hadoŭ pazbaŭleńnia voli za padbuchtorvańnie da ździajśnieńnia ciažkich złačynstvaŭ, da piaci hadoŭ — za zmovu z metaj padbuchtorvańnia da ździajśnieńnia ciažkich złačynstvaŭ, da 20 hadoŭ — za raspaŭsiud infarmacyi, jakaja tyčycca vyrabu i vykarystańnia vybuchovych pryład, da piaci hadoŭ — za pieradaču paviedamleńniaŭ z pahrozami.
34-hadovy nieanacyst ź dziasiatkam sudzimaściaŭ — stała viadoma pra biełarusa, jaki zahinuŭ padčas miasnych šturmaŭ Aŭdziejeŭki
Nieanacyst Łušč źbiraje podpisy, kab pierajmienavać vulicu Kalinoŭskaha ŭ Minsku ŭ vulicu 17 Vieraśnia
U Biełaruś pratačyłasia novaja siekta z Rasii. Były zek zmušaje pastvu pradavać kvatery i vykidać dakumienty
Kamientary