Na aeradromie «Mačuliščy» pačaŭsia ramont uźlotna-pasadačnaj pałasy
15 lipienia na aeradromie apošni raz fiksavalisia paloty samalotaŭ.
12 lipienia na aeradrom «Baranavičy» prylacieli samaloty An-26, Ił-76 i Tu-134 50-j źmiašanaj avijacyjnaj bazy, jakaja dysłakujecca ŭ Mačuliščach. A 15 lipienia na aeradromie «Mačuliščy» apošni raz fiksavalisia paloty samalotaŭ VPS RB. Z 16 lipienia na aeradromie fiksujucca tolki paloty viertalotaŭ, piša Biełaruski Hajun.
Adsutnaść infarmacyi ab palotach samalotaŭ, a taksama pieralot častki bartoŭ na inšy aeradrom śviedčać pra pačatak ramontu ŭźlotna-pasadačnaj pałasy (UPP). Pavodle źviestak spadarožnikavych zdymkaŭ, pracy pačalisia 16 lipienia.
Kolkaści zakuplajemych u 2024 h. materyjałaŭ (plit PAH-18) dastatkova budzie dla zamieny pakryćcia na ≈ 150 mietrach pałasy aeradroma «Mačuliščy». Usiaho ž z 2021 pa 2024 hod na aeradromie budzie zamieniena pakryćcio na ≈ 510 mietrach UPP. Usia daŭžynia UPP aeradroma składaje 3000 m.
U realnaści ahulnaja daŭžynia adramantavanych učastkaŭ UPP moža być mienšaj, bo plity PAH-18 užyvajucca jašče i dla pryładžvańnia ruležnych darožak, stajanak dla samalotaŭ/viertalotaŭ i inš.
Terminy praviadzieńnia ramontu sapraŭdy nie viadomyja. Možna čakać, što pracy ŭ Mačuliščach buduć doŭžycca nie mienš za miesiac. Ramont UPP vykonvaje zvodnaje padraździaleńnie 83-ha asobnaha inžynierna-aeradromnaha pałka (v/č 20392).
U 2023 h. z-za praviadzieńnia ramontu UPP na aeradromach taksama adbyvałasia časovaje pieramiaščeńnie avijacyi.
Na aeradromie «Mačuliščy» dysłakujecca 50-ja źmiejašanaja avijacyjnaja baza VPS RB (v/č 06752). Na ŭzbrajeńnie avijabazy składajucca viertaloty Mi-8MTV-5, Mi-24, Mi-35M, a taksama samaloty An-26, Ił-76 i Tu-134.
Raman Pratasievič pracuje na Minskim elektratechničnym zavodzie imia Kazłova FOTAFAKT11
Kamientary