Łukašenka zajaviŭ, što Piatkievič budzie zajmacca «palityčnymi pracesami». I sačyć za jahonymi pamočnikami
Łukašenka na sielektarnaj naradzie raskazaŭ, jakija pytańni budzie kuryravać Natalla Piatkievič — pieršaja namieśnica kiraŭnika administracyi.
![](http://nashaniva.com/img/w840d4webp1/photos/z_2024_07/1-chn3c.jpg.webp)
Łukašenka pryznačyŭ Piatkievič upaŭnavažanaj pa Bresckaj vobłaści. Adnak na toj ža naradzie adkarektavaŭ svajo ž pryznačeńnie.
Frahmient narady pakazali ŭ efiry BT. Łukašenka zajaviŭ, što za vobłaść hałavoj budzie adkazvać Juryj Šulejka, jaki pierajšoŭ z pasady kiraŭnika Bresckaha abłvykankama na pasadu vice-premjera.
«Šulejka hałavoj adkazvaje za Bresckuju vobłaść, što tam Natalla Uładzimiraŭna (Piatkievič — «NN») budzie za jaho pracavać.
Jana za palityčnyja budzie adkazvać peŭnyja pracesy. Ale tam pavinien być haspadarnik, treba ŭ hetaj častcy dapracavać. A joj pracy chopić i pa inšych napramkach», — zajaviŭ Łukašenka, źviartajučysia da kiraŭnika administracyi Dźmitryja Krutoha.
Łukašenka panarakaŭ, što ŭpaŭnavažanyja «kiravali pracesami ź Minska». I paabiacaŭ uziać hetaje pytańnie pad kantrol. Jon daručyŭ Piatkievič sačyć za ich pracaj.
«Natalla Uładzimiraŭna, vam hetyja pytańni treba ŭziać pad kantrol u administracyi razam z Krutym. Jak pracujuć upaŭnavažanyja, pamočniki, jany dla čaho tam siadziać? Vy viedajecie hetuju temu», — adznačyŭ Łukašenka.
«Našaj Nivie» raniej stała viadoma, što Piatkievič pryznačyli ŭ administracyju adkazvać za vybary-2025. Joj prypisvajuć zadaču naboru i kantrolu kadraŭ, jakija buduć zadziejničanyja ŭ falsifikacyjnych pracesie na vybarach. Kiraŭnik CVK Karpienka, jak miarkujecca, budzie spravazdačycca pierad Piatkievič.
Piatkievič pryciahnuli ŭ Administracyju, kab jana kuryravała pieraabrańnie Łukašenki — krynicy
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant
Pavieł Łatuška raskazaŭ, jak Piatkievič zabaraniła jamu iści na jubilej Baradulina
Kamientary
A massandroj uvlekajetsia ili niet ???
Pochožie, čto biez ubijstv falsifikacii nie połučajutsia.