Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda
U aficyjnych krynicach, źviazanych z uradam Polščy, taksama jak i ŭ polskich ŚMI, takich źviestak niama.
![](http://nashaniva.com/img/w840d4webp1/photos/z_2024_05/f1dok-fwwaad7_y-pgy29.jpg.webp)
Siońnia ŭviečary ŭ pamiežnych čatach pačała raspaŭsiudžvacca infarmacyja, što Polšča z 1 žniŭnia zakryje miažu dla aŭto ź biełaruskaj rehistracyjaj.
Paviedamleńni nie supravadžalisia spasyłkami na aficyjnuju krynicu. U mnohich čatach źjaviŭsia skryn ź instahrama brest.pronews, jaki ŭ svaju čarhu spasyłajecca na niejki telehram-kanał «Dorohi Biełarusi». Žyvy kanał z takoj nazvaj nie znachodzicca ŭ pošuku.
U paviedamleńni havaryłasia, što
«z 00:01 01.08.2024 budzie zabaronieny ruch asob z zarehistravanymi ŭ Respublicy Biełaruś lehkavymi aŭtamabilami ŭ Jeŭrapiejski Sajuz praz punkt propusku «Tarespal». Transpartnyja srodki ź dziaržnumarami Biełarusi, jakija ciapier znachodziacca ŭ Polščy, pavinny pakinuć krainu da 18 studzienia 2025 hoda ŭklučna».
Adnak nivodnaja aficyjnaja krynica ŭ Polščy takuju infarmacyju nie publikavała. Niama jaje i ŭ polskich ŚMI.
Akramia taho, litaralna napiaredadni Ministerstva finansaŭ Polščy aktualizavała praviły ŭvozu ŭ Polšču mašyn ź biełaruskimi numarami. Tam usio pa-raniejšamu: z 1 lipienia ŭ Polšču puskajuć tolki mašyny z uładalnikam u sałonie i nie dla prodažu. Inšaj infarmacyi na sajcie viedamstva prynamsi na hety momant niama.
MZS Polščy abviarhaje infarmacyju ab zabaronie na ŭjezd dla biełaruskich aŭtamabilaŭ — Viačorka
Kolkaść lehkavikoŭ na biełaruska-polskaj miažy vyrasła da 400
Kolkaść lehkavikoŭ na biełaruska-polskaj miažy vyrasła da hihanckich 350
Jak źmianić biełaruskija numary na litoŭskija. Što treba i kolki kaštuje pracedura?
Kamientary