Kiraŭnik Biełaruskaha doma ŭ Varšavie pabiŭsia z fatohrafam z Rasii? Što adbyłosia
Kanflikt uźnik nie na nacyjanalnaj, a na bytavoj hlebie.
Pra zdareńnie napisaŭ u fejsbuku fatohraf Hleb Vieramienka — 27-hadovy vychadziec z rasijskaha Kiemierava, jaki žyvie ŭ Varšavie. Raniej jon pracavaŭ u prajekcie Niechta.
«U subotu 28-ha ja byŭ na siabroŭskaj viečarynie na narodzinach Ściapana Puciły, — raskazaŭ jon «Našaj Nivie». — Ja chacieŭ uziać šezłonh, kab padsieści da kampanii. Ale Zarambiuk pačaŭ kryčać, što jon zaniaty. Ja nie adreahavaŭ, bo nie bačyŭ prablemy — vakoł ich było dziesiać volnych. Zarambiuk pabieh na mianie, pavaliŭ na ziamlu i pabiŭ. Heta było kala druhoj hadziny nočy 28 lipienia. Było šmat śviedak».
Paźniej chłopiec pakazaŭ «Našaj Nivie» aŭdyjazapis, dzie čałaviek svarycca ź Vieramienkam za toje, što toj uziaŭ šezłonh, dzie siadzieła dziaŭčyna Zarambiuka, jakaja adyšła ŭ prybiralniu. U adkaz Hleb kaža, što nie choča razmaŭlać. Taksama Hleb kaža, što Zarambiuk «zabiraŭ u jaho telefon i zmusiŭ vydalić videa kanflikta, jakoje źniaŭ na jaho inšy čałaviek».
Fatohraf padaŭ zajavu ŭ palicyju: «Ja prajšoŭ miedycynskaje abśledavańnie, što zaniało šmat času. Ciapier ja padaŭ zajavu ŭ palicyju i źniaŭ paboi, jakija dałučyli da spravy», — kaža jon.
Pra siabie Vieramienka kaža: «Ja naradziŭsia ŭ siamji represavanych palakaŭ, jakija byli ŭ HUŁAHu. Uciok z Rasii pa palityčnych matyvach u 2018-m i ŭžo maju polskaje hramadzianstva. Siabruju ź biełaruskimi aktyvistami, błohierami dy žurnalistami, šmat u čym udzielničaŭ i padtrymlivaju zmahańnie biełarusaŭ za svabodu».
Sam incydent adbyŭsia tydzień tamu, ale my nie publikavali navinu, bo vysłali zapyt pra kamientary Alesiu Zarambiuku i Ściapanu Puciłu. Na žal, jany tak i nie adkazali.
«Naša Niva» — bastyjon biełaruščyny
PADTRYMAĆCiapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod38
Kamientary
Zahadzia zaniać šeźlonh na numar telefonu +48××××××××
Kali i ŭźnik štučny deficyt, dyk praź lakalnyja złaŭžyvańni i niedahlad. Niemahčyma, pamyłkova i złačynna rabić vysnovy pra ŭsiu rečaisnaść na padstavie adzinkavych takich vypadkaŭ