Indyjskija śpiecyi vyklikajuć zakłapočanaść orhanaŭ achovy zdaroŭja va ŭsim śviecie
U prypravach vyjaŭlenyja piestycydy-kancerahieny.
Jak piša Le Monde, papiaredžańnie ab niebiaśpiecy indyjskich śpiecyj było vydadziena 5 krasavika Centram biaśpieki praduktaŭ Hankonha.
U im havaryłasia ab najaŭnaści takoha piestycydu, jak aksid etylenu, u čatyroch vidach śpiecyj ź Indyi. Z prodažu byli źniaty try vidy śpiecyj handlovaj marki Mahashian Di Hatti (MDH), i adzin — Everest. Pieršy brend zajmaje 10% unutranaha rynku krainy, druhi — 16%.
Paśla Hankonha 18 krasavika Sinhapur źniaŭ z pryłaŭkaŭ sumieś rybnaha kary marki Everest z-za ŭtrymańnia taho ž aksidu etylenu. Za im na prablemu źviarnuli ŭvahu Novaja Ziełandyja, Aŭstralija, ZŠA i Banhładeš.
Jeŭrapiejskaje ŭpraŭleńnie pa biaśpiecy charčovych praduktaŭ u 2024 hodzie 65 razoŭ apaviaščała ab najaŭnaści ŭ indyjskich śpiecyjach piestycydaŭ.
Aksid etylenu — haz, jaki vykarystoŭvajecca dla sterylizacyi praduktaŭ, ich abarony ab parazitaŭ. Paśla zajavaŭ Hankonha ŭ Indyi byŭ praviedzieny analiz śpiecyj roznych marak. Pakul kančatkovyja vyniki nie viadomy. Z 251 uzoru było pravierana 104.
Adnak užo ciapier Upraŭleńnie pa biaśpiecy charčovych praduktaŭ i standartam Indyi (FSSAI) zajaviła, što trynaccać uzoraŭ śpiecyj, jakija byli sabranyja ŭ dzieviaci štatach, byli pryznanyja škodnymi dla spažyvańnia čałaviekam.
Indyjskaja Rada pa śpiecyjach zaklikała vytvorcaŭ bolš nie vykarystoŭvać aksidu etylenu. Ekśpierty adznačajuć, što ŭ krainie nie isnuje dastatkova nadziejnaha miechanizmu pravierki ŭtrymańnia reštkaŭ piestycydaŭ u praduktach. Harodninu na bazarach i aptovych rynkach jašče siak-tak praviarajuć, a voś muku, rys i śpiecyi — tolki ŭ tym vypadku, kali niechta zapadozryć niešta.
Śpiecyjalisty pakul nie mohuć nazvać krynicu zabrudžańnia. Heta mahło zdarycca, naprykład, pry zachoŭvańni śpiecyj na składach, dzie aksid etylenu vykarystoŭvajecca dla praduchileńnia źjaŭleńnia ćvili.
Vydańnie źviartaje ŭvahu, što stanovišča moža być značna horšym z-za taho, što FSSAI za niekalki dzion da zajavy Hankonhu źmianiła patrabavańni da maksimalna dapuščalnaha ŭzroŭniu reštkaŭ piestycydaŭ. Dla tych ź ich, što nie ŭniesienyja ŭ śpiecyjalny śpis, limit byŭ pavialičany ŭ 10 razoŭ — z 0,01 da 0,1 milihrama na kiłahram.
Kmien — staražytny supierfud biełarusaŭ. Historyja i recepty
Krapiva, miedunica, makryca dy inšaje pustazielle, jakoje ŭzbahacić vaš stoł
Nie ŭsia karyca adnolkavaja. Dva hatunki varta adroźnivać, bo adzin ź ich — škodny
Skrynka z prypravami jak aptečka: muskatny arech — u «bardačok» kiroŭcam, kurkuma — tym, chto maje prablemy z abmienam rečyvaŭ
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»4
Kamientary