Pradprymalnikaŭ i samazaniatych čakajuć niepryjemnyja siurpryzy pa vypłacie ŭnioskaŭ u FSAN
Dla IP i samazaniatych chočuć źmianić umovy pa apłacie ŭznosaŭ u FSAN. Aficyjna apublikavany prajekt zakona «Ab źmienie zakonaŭ pa pytańniach dziaržaŭnaha sacyjalnaha strachavańnia i piensijnaha zabieśpiačeńnia», i tam jość niekalki niečakanych normaŭ. Ekśpiert u halinie finansaŭ i padatkaabkładańnia, kirujučy partnior Resolva Taćciana Dajlid u svaim telehram-kanale padzialiłasia dumkami nakont hetych źmien, zaŭvažyŭ probusiness.io.
Taćciana Dajlid piša, što «dla IP skasujuć mahčymaść płacić unioski ŭ FSAN ź minimalnaj zarpłaty».
Ekśpierta turbuje, što prapanavanaja novaja sistema vypłaty ŭznosaŭ składanaja, i praca ź joj bahataja na pamyłki.
Tak, prajektam zakona prapanujecca pryviazać pamier uznosaŭ u FSAN dla IP da pamieru jaho dachodu. Pamier dachodu budzie vyznačacca pa padatkovych dekłaracyjach.
Ź minimalnaha zarobku (626 biełaruskich rubloŭ) možna budzie płacić unioski ŭ FSAN, kali prybytak IP za hod pieravyšaje 12 minimalnych zarobkaŭ, ale mienš za 12 siarednich zarobkaŭ.
Ekśpiert nie razumieje, jak heta vyličyć, kali siaredniaja zarpłata mianiajecca kožny miesiac.
Adnak u apublikavanym dakumiencie ŭsie źmieny pryviazany mienavita da hetaj vieličyni:
z dvuchrazovaha pamieru MZP treba budzie płacić unioski ŭ FSAN, kali prybytak IP za hod znachodzicca ŭ dyjapazonie ad 12 da 60 siarednich zarobkaŭ;
z trochrazovaha pamieru MZP — kali dachod IP za hod pieravysić 60 siarednich zarobkaŭ.
«Nijaki štučny intelekt nie zamienić buchhałtara», — piša Dajlid.
Akramia taho, źmieny zakranuć i pamier uznosaŭ u FSAN, što spahaniajucca z samazaniatych. Pa prajekcie ŭ płacielščykaŭ PPD (padatak na prafiesijnuju dziejnaść) naŭrad ci zastaniecca mahčymaść płacić u FSAN 6% ad sumy dachodu. «Pryjdziecca taksama pryviazvacca da «minimałki», — kaža ekśpiert.
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary