Ałžyrskaja baksiorka, jakuju raskrytykavali za najaŭnaść mužčynskich chramasom, paskardziłasia na ckavańnie
«Ja prašu spynić ździeki», — prosić Iman Chielif.
Paśla niekalkich dzion abmierkavańnia skandału, źviazanaha z žanočym boksam na Alimpijskich hulniach, ałžyrskaja baksiorka Iman Chielif vyrašyła sama prakamientavać situacyju, piša Bild.
«Ja dasyłaju paviedamleńnie ŭsim u śviecie, kab jany trymalisia alimpijskich pryncypaŭ i Alimpijskaj chartyi i spynili ckavańnie spartoŭcaŭ, bo heta maje nastupstvy, vializnyja nastupstvy. Heta moža źniščyć ludziej, złamać ich duch. Ja prašu spynić ździeki», — skazała jana vydańniu SNTV.
Raniej Chielif pravaliła hiendarny test na čempijanacie śvietu pa boksie, bo ŭ jaje vyjavili jak X-chramasomy, tak i Y-chramasomy, jakija zvyčajna sustrakajucca tolki ŭ mužčyn. Adnak na Alimpijadzie dziejničajuć inšyja praviły, tamu Chielif maje prava vystupać na spabornictvach.
Ałžyrka Iman Chielif naradziłasia žančynaj i zapisana ŭ pašparcie jak žančyna. U Ałžyry pry hetym kateharyčna zabaronieny apieracyi pa źmienie połu.
Pa słovach Chielif, paśla skandału ź jaje ŭdziełam u Alimpijskich hulniach jaje trenier zabaraniŭ joj karystacca sacyjalnymi sietkami i čytać naviny.
«Daj Boh, kab hety kryzis zaviaršyŭsia załatym miedalom. Heta budzie najlepšym adkazam. Paśla šumichi ŭ ŚMI i paśla pieramohi była sumieś radaści i sumu. Sapraŭdy kažučy, zusim nialohka prachodzić praz takoje. Heta niešta, što topča čałaviečuju hodnaść», — skazała spartoŭka ŭ intervju.
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2323
Kamientary
Vina za toje, što adbyvajecca na arhanizatarach alimpijaby ad boksu.
Jość kantraviersija, zrabicie zrazumiełyja prazrystyja analizy pa anałohii z dopinham.
Usie pytańni adrazu źniknuć. Spartsmienka abo budzie ŭdzielničać abo budzie dyskvalifikavanaja.
PS Situacyja nahadvaje situacyju sa zdaroŭjem Bajdena. Da samaj apošniaj siekundy jaho drenny stan zdaroŭja prosta zamoŭčvaŭsia. Kudy praściej było pra jaho kazać i źniać hetuju temu, jak palityčny faktar.
https://nashaniva.com/348383
Tam pavažanaja redakcyja nazvała spartoŭku mužčynaj