U pieryjad najbolšaha roskvitu ŭ rasijskich haradach pracavała kala 15 kram brenda.
Viadomy biełaruski rytejler začyniŭ usie kramy ŭ Rasii. Na asobnaj staroncy, u pryvatnaści, skazana: «Z žalem paviedamlajem, što ŭsie kramy Megatop na terytoryi Rasijskaj Fiederacyi začynienyja» i «Dziakuj, što byli z nami!», piša vydańnie «Biełarusy i rynak».
Taksama pradstaŭlena instrukcyja pa viartańni tavaraŭ pa pošcie abo praź sietku SDEK na adras maskoŭskaj «dački» rytejlera, kali budzie vyjaŭleny brak.
Megatop abiacaje kampiensavać vydatki na pierasyłku viernutych tavaraŭ i viarnuć srodki ciaham 14 dzion paśla atrymańnia viartańnia.
U paviedamleńni nie ŭdakładniajecca, ź jakoha času kramy pierastali pracavać. Ale, miarkujučy pa tym, što jany ŭsio jašče ŭkazanyja na sajtach niekatorych rasijskich handlovych centraŭ, heta adbyłosia adnosna niadaŭna.
Megatop — heta prajekt, jaki z 1993 hoda raźvivajuć biełaruski biźniesmien Siarhiej Kulhavy i jaho partniory. Jany stvaryli niekalki roźničnych abutkovych sietak. Niekatory čas, akramia Megatop, prodaž abutku ažyćciaŭlaŭsia ŭ kramach Axis, jakija ciapier začynienyja.
Pa zakazach uładalnikaŭ kram abutak spačatku vyrablaŭsia ŭ Kitai, Indyi, Partuhalii. U 2010-ch biźniesmieny adkryli ŭłasnuju fabryku ŭ Viciebsku i pasprabavali maštabavać biźnies na susiednija krainy.
Pieršaj była sproba zamacavacca na ŭkrainskim rynku. Kali jana akazałasia niaŭdałaj, u źniešniaj ekspansii staŭka była zroblena na Rasiju. Pieršy mahazin tam adkryli ŭ 2016 hodzie ŭ Jarasłaŭli. U pieryjad najbolšaha roskvitu ŭ rasijskich haradach (u Jarasłaŭli, Smalensku, Nižnim Noŭharadzie, Maskvie, Lipiecku, Kursku, Vołahdzie i Biełharadzie) pracavała kala 15 kram brenda.
Adnak u apošnija hady ich kolkaść skaraciłasia. Na pačatak 2023 hoda zastałosia tolki 7 rasijskich Megatop. U 2020 hodzie było likvidavana adno ź jurydyčnych asob, jakoje kiravała sietkaj — «Miehatop. Ru-2». Viasnoj minułaha hoda jašče adno — «Miehatop-76».
Dziejučaj zastajecca kampanija «Miehatop hrup». U 2023 hodzie jaje prodažy skaracilisia amal napałovu — da prykładna 700 tys. dołaraŭ. Pry hetym u 2022-2023 hadach kampanija była stratnaj.
U Biełarusi, naadvarot, sietka praciahvaje raści. Apošniaja krama była adkryta ŭ śniežni 2024 hoda ŭ Pinsku. Usiaho ŭ krainie ich kala 80 u 34 haradach. Pradukcyja kampanii taksama pradstaŭlena na mnohich markietpłejsach.
Milicyja vypadkova vykłała ŭnutrany dakumient z analizam miedyja. Voś kaho jany siońnia čytali i jakija ŚMI ličać niezaležnymi4
Kamientary