Prezientacyja knihi «Karotki narys biełaruskaha pytańnia» adbudziecca ŭ subotu, 13 lutaha, 18:00 u kniharniŬhalerei (pr. Niezaležnaści, 37A)
Siarod udzielnikaŭ — redaktary i inicyjatary vydańnia historyki Aleś Paškievič i Andrej Vaškievič.
Kniha jość zboram unikalnym dakumientaŭ i śviedčańniaŭ historyi biełaruskaha nacyjalnaha ruchu 20‑ch hadoŭ minułaha stahodździa, dapoŭnienaja hruntoŭnaj analitykaj i trapnymi kamientarami .
Z pradmovy da knihi:
Na dośvitku XX st., kali biełaruskaja ideja, materyjalna ŭvasaoblenaja ŭ vyhladzie knižak Bahuševiča, vieršaŭ Ciotki i niačastnych numaroŭ «Našaj Nivy», jašče tolki pačynała źbirać pa vioskach i miastečkach piaci zachodnich huberniaŭ ahromnistaj imperyi svaich pieršych prychilnikaŭ, badaj što nichto nie hladzieŭ na biełarusaŭ inačaj, jak tolki praz pryzmu etnahrafii.
Dla carskich čynoŭnikaŭ, jak i dla rasiejskich dy polskich navukoŭcaŭ, biełarus byŭ nia bolš čym abarhynam peŭnaj terytoryi — pracavitym, čaściej za ŭsio niepiśmiennym, absalutna abyjakavym da svajoj kaliści słaŭnaj minuŭščyny «mužykom», jaki pa miery ŭsio bolš šparkaha raźvićcia kapitalistyčnych adnosinaŭ chutka musiŭ niepaźbiežna rastvarycca ŭ rasiejskim i polskim etničnym mory. Praz dvaccać hadoŭ sytuacyja była ŭžo pryncypova inšaj. Biełarusy, choć i nie damahlisia paŭnavartasnaj nacyjanalnaj dziaržaŭnaści, stali, adnak, kankretnaj palityčnaj prablemaj dla tych krainaŭ, dzie jany zmušanyja byli žyć paśla haniebnaha Ryskaha miru 1921 h. Žyłka trapna napisaŭ, što biełarus «uzyšoŭ na mapu Eŭropy». Jak akazałasia, uzyšoŭ dziela taho, kab bolš ź jaje nie sychodzić.
Kantakt: + 375 17 290 63 06 (haradski)
Ciapier čytajuć
Ich Zareckaja: deputat-jabaćka Aleh Navicki kinuŭ biełaruskich inviestaraŭ na miljony dalaraŭ. Detali schiemy2
Kamientary