Nazvana ličba źbitych ukrainskich dronaŭ u niebie nad Biełaruśsiu. Jana ŭražvaje
SPA Biełarusi 9 žniŭnia źbiła nad Mahiloŭskaj vobłaściu 13 bieśpiłotnikaŭ, jakija lacieli z Ukrainy. Takuju infarmacyju ŭ efiry BiełTA ahučyŭ namieśnik načalnika fakulteta Hienštaba Vajennaj akademii Biełarusi Andrej Bahadziel.
Namieśnik načalnika fakulteta Hienieralnaha štaba Vajennaj akademii Andrej Bahadziel znajšoŭ dziŭnuju pryčynu dla nibyta ataki ŭkrainskich bieśpiłotnikaŭ pa terytoryi Biełarusi.
«Tyja padziei, jakija adbylisia ŭ našaj pavietranaj prastory — 13 bieśpiłotnikaŭ, jakija byli źbityja niepasredna nad Kaściukovičami, — heta infarmacyjny pasył, jaki pavinien byŭ pakazać Respubliku Biełaruś u zusim niepryvabnym vyhladzie. Prosta pakazać, što Ukraina — jana biespakaranaja», — zajaviŭ Bahadziel.
Pavodle manitorynhavaj hrupy «Biełaruski Hajun», 9 žniŭnia 2024 hoda padčas vyletaŭ avijacyi US RB nijakich dronaŭ vyjaŭlena nie było. Taksama nie było nijakich zapuskaŭ rakiet sa źniščalnika SU-30 abo viertalota Mi-24.
«Biełaruski Hajun» robić vysnovu, što infarmacyja Łukašenki pra źbityja ŭkrainskija drony nad Biełaruśsiu «źjaŭlajucca zvyčajnaj łuchtoj».
Mienavita na padstavie nibyta źbitych dronaŭ Łukašenka zahadaŭ uzmacnić hrupoŭku biełaruskaj armii na miažy z Ukrainaj.
10 žniŭnia na telekanale ANT źjaviłasia videa ad Ministerstva abarony Biełarusi z reštkami, jak śćviardžajecca, źbitych ukrainskich bieśpiłotnikaŭ.
Vylecieła ŭ nieviadomym kirunku śpikierka KR Anžalika Mielnikava29
Kamientary