Machlary raźviali rasijskuju śpiavačku Łarysu Dolinu. Jana pieraviała im miljon dalaraŭ
Siońnia ranicaj u kvateru narodnaj artystki ŭ Chamoŭnikach pryjechali piać čałaviek i zajavili, što jany novyja ŭłaśniki.
![](http://nashaniva.com/img/w840d4webp1/photos/z_2024_08/dolina1_240813-6fvv8.jpg.webp)
Łarysu Dolinu raźviali ašukancy: jana sama pradała kvateru ŭ Maskvie i pieraviała hrošy nieviadomym. Papiarednie, śpiavačka addała machlaram bolš za 100 młn rasijskich rubloŭ (1,1 młn dalaraŭ), piša Shot.
Siońnia ranicaj u kvateru narodnaj artystki ŭ Chamoŭnikach pryjechali piać čałaviek i zajavili, što jany novyja ŭłaśniki. Achoŭniki paviedamili ŭ palicyju pra sprobu niezakonnaha praniknieńnia ŭ elitny VK i zabłakavali ŭsie vychady. «Novych uładalnikaŭ» zatrymali na miescy. Ź imi ciapier pracujuć śledčyja.
![](http://nashaniva.com/img/w732d4webp1/photos/z_2024_08/dolina2_240813-9x9cq.jpg.webp)
Dakładnaja suma ździełki vyśviatlajecca. Taksama supracoŭniki šukajuć ašukancaŭ, jakija padmanuli 68-hadovuju śpiavačku.
Pa danych Shot, płošča piacipakajovaj kvatery Dolinaj u Chamoŭnikach — 236 kvadrataŭ, jaje prykładny košt — 150 młn rasijskich rubloŭ (1,67 młn dalaraŭ).
Kamientary