Z ranicy USU ŭziali ŭ pałon u Kurskaj vobłaści bolš za 100 rasijskich vajskoŭcaŭ i prasunulisia na 1-2 km — Syrski
«U Kurskaj vobłaści ruchajemsia dalej», — napisaŭ u svaim telehram-kanale Uładzimir Zialenski.
![](http://nashaniva.com/img/w840d4webp1/photos/z_2024_08/4413-e72ey.png.webp)
Raniejšyja kadry taho, jak rasijskija pamiežniki zdajucca ŭ pałon, pierachod «Sudža» 6 žniŭnia 2024 hoda. Skrynšot videa
Hałoŭnakamandujučy USU Alaksandr Syrski paviedamiŭ, što z pačatku sierady ŭkrainskija vajskoŭcy ŭziali ŭ pałon u Kurskaj vobłaści bolš za 100 rasijskich vajskoŭcaŭ i prasunulisia na 1-2 kiłamietry.
Jon taksama dadaŭ, što ŭ horadzie Sudža zaviaršyli «pošuk i źniščeńnie» praciŭnika.
«U Kurskaj vobłaści ruchajemsia dalej. Ad adnaho da dvuch kiłamietraŭ na roznych učastkach z pačatku sutak. I jašče bolš za 100 pałonnych rasijskich vajskoŭcaŭ za hety ž pieryjad. Ja ŭdziačny ŭsim, chto spryčyniŭsia. Heta paskoryć viartańnie dadomu našych chłopcaŭ», — napisaŭ Zialenski ŭ telehram-kanale.
Kamientary