Kali budzie ŭviedziena novaja sistema kantrolu, nie ŭdakładniajecca. Pra heta paviedamlaje vydańnie Sabah sa spasyłkaj na ministra ŭnutranych spraŭ krainy Ali Jerlikaja.
«Ministr unutranych spraŭ Jerlikaja abviaściŭ pra važny prajekt na budučyniu i paviedamiŭ, što pry ŭjeździe ŭ Turcyju buduć zdymacca adbitki palcaŭ, jak u ZŠA i Vialikabrytanii», — piša Radyjo Svaboda.
Pa słovach kiraŭnika MUS Turcyi, taksama novaŭviadzieńni zakranuć i tych, chto atrymaŭ status časovaj abarony ŭ krainie. Ich paśviedčańni asoby buduć zabiaśpiečvać čypami. Jerlikaj śćviardžaje, što na siońniašni dzień u Turcyi zarehistravana amal čatyry z pałovaj miljony mihrantaŭ. Ź ich bolš za try miljony — heta hramadzianie Siryi.
U kancy červienia 2024 hoda ŭ tureckaj pravincyi Chataj pačalisia antymihranckija pratesty i pahromy paśla taho, jak źjaviłasia infarmacyja, što biežaniec ź Siryi damahaŭsia na rynku ŭ Kajsiery 5-hadovaj dziaŭčynki. Niekatoryja deputaty tureckaha parłamienta zajavili, što ŭ mihracyjnym kryzisie ŭ krainie vinavaty ciapierašni ŭrad.
Što zapisana aficyjnaj pryčynaj śmierci adzinaha syna Jarmošynaj?5
Kamientary