Maci dumała, što insult. Stali viadomyja padrabiaznaści śmierci 10-hadovaj dziaŭčynki ŭ Starych Darohach
20 žniŭnia ŭ balnicy Starych Daroh pamierła 10-hadovaja dziaŭčynka. Śmierć nastupiła raptoŭna: uviečary dzicia špitalizavali ŭ zdavalniajučym stanie, a praz try hadziny baćkam paviedamili strašnuju navinu. Na suviaź z Onlíner vyjšaŭ Siarhiej, rodny dziadźka dziaŭčynki, i raskazaŭ niekatoryja padrabiaznaści zdareńnia.
— Jaje maci (maja rodnaja siastra) skazała, što ŭ niadzielu plamieńnica pračnułasia i paskardziłasia na drennaje samaadčuvańnie: jaje vanitavała, baleła hałava. Taksama było skažonaje maŭleńnie — jak zvyčajna byvaje pry insulcie. Jany źviarnulisia ŭ pryjomnaje adździaleńnie rajonnaj balnicy, siastra paprasiła dać nakiravańnie na KT abo MRT: ci mała, sapraŭdy insult.
Dziažurny doktar skazaŭ: u dziciaci insultu być nie moža, heta rotavirus. Prapanavali špitalizacyju.
Ale siastra, pačuŭšy, što z hałavoj u dački ŭsio ŭ paradku, napisała admovu, i jany pajšli dadomu.
A ŭ aŭtorak dziaŭčyncy znoŭ stała błaha. U vyniku z tym ža dyjahnazam (rotavirus) jaje hadzin u 18 pakłali ŭ balnicu. U 21 hadzinu siastra jaje naviedvała, usio było narmalna. U 23:45 patelefanavali, skazali, što pamierła, — raspavioŭ jon.
Dakładnyja pryčyny śmierci svajaki pakul nie viedajuć: vyniki sudova-miedycynskaj ekśpiertyzy buduć tolki zaŭtra.
«Spačatku kazali, što jana zachłynułasia vanitavymi masami, potym — što spyniłasia serca», — dadaje Siarhiej.
Ciapier u balnicy pracuje kamisija Ministerstva achovy zdaroŭja i hałoŭnaha ŭpraŭleńnia pa achovie zdaroŭja Minskaha abłvykankama pa acency ŭsich etapaŭ akazańnia miedycynskaj dapamohi dziciaci.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary
Maje spačuvańni rodnym i naohuł ŭsim ludziam.
U pryncypovaść kamisii Ministerstva ja nie vieru.