Kvietkavaja krama pasadziła pamidory na vulicy. Uradžaj skrali prosta z-pad kamier videanazirańnia
Historyja adbyłasia ŭ samym centry Minska.
![](http://nashaniva.com/img/w840d4webp1/photos/stock/photo_2019-08-16_16-35-03-dny4d.jpg.webp)
Joju padzialiłasia ŭ svaim tyktoku fłarystka ź nievialikaj staličnaj kvietkavaj kramy, jakaja znachodzicca niedaloka ad płoščy Pieramohi.
Uviesnu supracoŭniki vysadzili na zialonaj zonie pierad uvachodam u kramu interaktyŭnuju kłumbu z pamidorami, piercami, kłubnicami, bazilikam.
Jak adznačaje dziaŭčyna, jany i minaki ŭsio leta atrymlivali asałodu ad taho, što nazirali jak paśpiavaje ŭradžaj u centry horada.
U pieršy dzień pracy paśla adpačynku dziaŭčyna zrabiła, jak akazałasia, apošniaje fota svaich pryhožych čyrvonych pamidoraŭ.
Kamiery videanazirańnia, ustalavanyja na ŭvachodzie ŭ kramu, zafiksavali, jak unačy pryjšła źbirać uradžaj nieviadomaja žančyna. Jana nie prosta pačastavałasia adnym pamidoram, ale ababrałasia ŭvieś kust.
![](http://nashaniva.com/img/w732d4webp1/photos/z_2024_08/photo_2024-08-22_11-46-38-n8wmw.jpg.webp)
Kamientatary aburylisia pavodzinami žančyny. «Najlepšaje savieckaje vychavańnie!». Žančynu prysaromili tym, što tamaty kaštujuć kapiejki, a jana, miarkujučy pa vyhladzie, jaŭna nie hałodnaja. «Prykoł, vidać, u tym, kab śpierci».
Na nastupny hod kramie paraili pasadzić samyja vostryja piercy i pastavić tabličku «Aściarožna, apracavana!», kab adpudzić zładziužak. Što praŭda, da prapanovy pastavilisia skieptyčna: «Sp*ździać i tabličku».
«Naša Niva» — bastyjon biełaruščyny
PADTRYMAĆ
Kamientary
P.S. Hladžu, prybrali rolik z artykułu. I pravilna.