«Usie robiać vyhlad, što ruskaj movy nie isnuje». Rasijski aktyvist aburyŭsia, što biełarus i ŭkrainka viali sumoŭje nie pa-rusku
Uładkavacca na pracu jon sprabavaŭ u Polščy.
21 žniŭnia aktyvist, viadomy ŭ rasijskim apazicyjnym asiarodździ jak Saša Piačeńka, apublikavaŭ tvit, jaki vyklikaŭ buru abureńnia z boku biełarusaŭ i ŭkraincaŭ.
«Pryjšoŭ uładkoŭvacca na pracu, u mianie pravodziać sumoŭje biełarus i ŭkrainka, intervju prachodzić na polskaj. Usie robiać vyhlad, što ruskaj movy nie isnuje», — napisaŭ aktyvist.
Z adnaho boku, karystalniki tvitara aburylisia tym, što rasijski aktyvist čakaje, što pradstaŭniki inšych nacyj buduć razmaŭlajuć ź im pa-rusku, ź inšaha — što jon, sprabujučy ŭładkavacca na pracu ŭ Polščy, ździŭlajecca polskaj movie na sumoŭi. Tvitarčuki, časta ŭ hrubaj formie, vykazali ŭ repłajach usio, što dumajuć pra jaho pazicyju, a taksama namiaknuli, kudy jamu treba jechać, kab ź im pravodzili sumoŭi pa-rusku.
Užo praź niekalki hadzin aktyvist vydaliŭ svoj tvit, patłumačyŭšy, što heta jaho vymusili zrabić chejtary. Ale internet pamiataje ŭsio.
Piačeńka taksama dadaŭ, što ŭ adroźnieńnie ad tych «tuparyłych pravakoŭ-nacykaŭ», jakija nakinulisia na jaho paśla tvita, jon hanarycca tym, što moža być nośbitam niekalkich moŭ i kultur. Chvalu chejtu heta, zrazumieła, zhasić nijak nie dapamahło.
U repłajach ludzi cikavalisia: kali jon zajaŭlaje siabie nośbitam polskaj movy i kaža pra šyryniu svaich pohladaŭ, to čamu dla jaho było prablemaj prajści sumoŭje na joj? Pytańni zastalisia biez adkazu. Na bolšaść niepryjemnych dla jaho kamientaroŭ rasijski aktyvist adkazvaŭ abrazami.
Pad psieŭdanimam Saša Piačeńka chavajecca Saidanvar Sułajmonaŭ, jaki maje hramadzianstva Tadžykistana, ale da vieraśnia 2021 hoda pražyvaŭ u Rasii, dzie zajmaŭsia palityčnym aktyvizmam. Jon byŭ vymušany pakinuć Rasiju praz pracu ŭ pieradvybarčym štabie rasijskaha apazicyjnaha palityka Andreja Pivavarava. U Rasiju jamu zabaronieny ŭjezd na 40 hadoŭ.
Jon atabaryŭsia ŭ Polščy, dzie spačatku pracavaŭ žurnalistam. U pačatku vajny dapamahaŭ ukrainskim uciekačam u łahiery ŭ polskim Pšemyśli.
Sułajmonaŭ sprabavaŭ atrymać palityčny prytułak u Polščy, davodziačy, što ŭ Tadžykistanie jamu moža pahražać turemny termin. Ale Polšča z hetymi dovadami nie pahadziłasia i ŭ pačatku 2023 hoda admoviła jamu ŭ prytułku.
Apošni hod, miarkujučy pa dopisach u tvitary, aktyvist padpracoŭvaje ŭ nievialikim haradskim vydańni ŭ Polščy i šukaje stałuju pracu ŭ SMM, niekamiercyjnych arhanizacyjach, pravaabaronie i sumiežnych śfierach. Sułajmonaŭ zajaŭlaje, što vałodaje adrazu siamiu movami, u tym liku polskaj i ŭkrainskaj.
Chto pavinien być prezidentam Biełarusi ŭ pierachodny pieryjad? Razvažajuć viadomyja biełarusy4
Kamientary