Kabančuk raskazaŭ, u jakim vypadku možna budzie abmiarkoŭvać harantyi biaśpieki dla Łukašenki
Pradstaŭnik Abjadnanaha pierachodnaha kabinieta pa abaronie Vadzim Kabančuk u intervju «Biełsatu» raskazaŭ pra stratehii vyzvaleńnia Biełarusi.
Vadzim Kabančuk adreahavaŭ na słovy Łukašenki pra toje, što jamu prapanujuć vajavać z Ukrainaj suprać Rasii.
Kabančuk miarkuje, što Łukašenka siońnia bolš baicca Rasii, čym Zachadu.
«Heta śviedčyć tolki, što na siońniašni dzień Łukašenka baicca Rasii bolš, čym Zachadu. Mahčyma, situacyja źmienicca. Tamu što, jak havorycca, svoječasova zdradzić — značyć, pradbačyć. Łukašenka, dumaju, kirujecca takim pryncypam i trymaje ruku na pulsie.
Usio pravilna jon kaža. Kali jon choča zachavać svajo žyćcio, svoj kłan, jamu daviadziecca vychodzić z hetaj vajny abo pierachodzić na bok kaalicyi, jakaja budzie stvoranaja suprać Rasii», — miarkuje Kabančuk.
Pradstaŭnik APK miarkuje, što ŭ takim razie možna razmaŭlać pra peŭnyja harantyi dla Łukašenki — kali heta dapamoža paźbiehnuć hramadzianskaj vajny na terytoryi Biełarusi.
«Pad harantyi taho, što ŭ Biełarusi nie budzie hramadzianskaj vajny, nie buduć razburanyja harady i tysiačy achviar, možna było b razhledzieć pytańni, skažam, pa peŭnych harantyjach dla jaho asoby. Ale heta majo asabistaje mierkavańnie, heta nie mierkavańnie kabinieta ci biełaruskich dobraachvotnikaŭ», — zajaviŭ palityk.
Kabančuk adznačyŭ, što žyćcio Łukašenki nie vartaje žyćciaŭ tysiač biełarusaŭ i razburanych haradoŭ.
«U takim vypadku možna dać jamu mahčymaść pajechać u Kitaj, Paŭnočnuju Kareju, Kubu, ci jašče kudy-niebudź, dzie jon paličyć, što dla jaho buduć bolš-mienš prydatnyja ŭmovy dla žyćcia», — miarkuje Kabančuk.
Pry hetym stratehija vyzvaleńnia Biełarusi, na dumku pradstaŭnika kabinieta, hruntujecca na adnym bazavym elemiencie — asłableńni Rasiei, kab jana nie zmahła akazvać režymu Łukašenki vajskovuju padtrymku.
«Padziei ŭ Kurskaj vobłaści ŭžo pakazvajuć, što Rasieja nie hatovaja naležnym čynam abaraniać ułasnuju terytoryju. Z kožnym tydniem moc rasiejskaha vojska pamianšajecca — a značyć, dla Biełarusi stvarajucca ŭmovy da vyzvaleńnia», — adznačaje Kabančuk.
Na jaho dumku, paŭtareńnie Kurskaha scenaryja na terytoryi Biełarusi małavierahodna. Adnak nie vyklučany ŭkrainski adkaz na pravakacyju z boku biełaruskaha vojska.
Kabančuk adznačaje, što biełaruskija dobraachvotniki abmiarkoŭvajuć scenary vyzvaleńnia Biełarusi. Adnak jon chacieŭ by, kab heta adbyłosia mirnym šlacham.
Kabančuk patłumačyŭ, čamu kalinoŭcy nie zachodziać z rejdami ŭ Biełaruś
Zamiest Sachaščyka ŭ Abjadnanym pierachodnym kabiniecie ciapier budzie Kabančuk
Kalinoviec Vadzim Kabančuk spyniŭ kantrakt z Uzbrojenymi siłami Ukrainy
«Ukraincy kazali ŭ 1990-ja: budzie vajna z Maskvoj». Kabančuk raskazaŭ, jak biełarusy prachodzili vyškał u łahiery Dźmitryja Jaraša na Haliččynie
«My znajšli miesca, dzie była zakapana mašyna Krasoŭskaha». Kabančuk zhadaŭ, jak rasśledavaŭ spravu źnikłych palitykaŭ
Volha Čamadanava taksama budzie sparynh-partnioram na vybarach6
Kamientary
Ale rabić toje ž samaje ŭ datyčeńni Łukašenki raniej za momant pačatku kruhłaha stała - naŭradci dobraja ideja. Bo zaraz heta prapanova daje sihnał Łukašenku - ty eskaluj situacyju, raspalvaj varožaść, stvaraj stan niebiaśpieki dla dziatkaŭ tysiač biełarusaŭ - heta ŭzmacnić tvaju pieramoŭnuju pazicyju i dadaść šansy źmieńšyć albo ŭvohule paźbiehnuć adkaznaści.
Treba kab byŭ paradačak . " Siena ŭ stahu - kat ŭ hrobu "