Sikorski pra vyzvaleńnie Pačobuta: My sprabujem roznyja idei, spadziajusia, adna ź ich spracuje
Kiraŭnik MZS Polščy Radasłaŭ Sikorski raskazaŭ pra situacyju z palitźniavolenym Andrejem Pačobutam.
Sikorski adznačyŭ, što ŭskosny kantakt pa pytańni Pačobuta jość.
Adnak naviny kiraŭnik polskaha MZS nazvaŭ nie vielmi dobrymi, pakolki palitviazień zastajecca ŭ turmie, piša TVP.
«Jość uskosny kantakt, i hetaja navina nie vielmi dobraja, tamu što jon niespraviadliva źmieščany ŭ turmu žorstkim režymam, jaki pasadziŭ užo dźvie tysiačy čałaviek.
Za apošni čas na volu vyjšli dziesiać, a moža być, navat niekalki dziasiatkaŭ čałaviek. Na žal, Andreja Pačobuta siarod ich niama. Ale biełaruski režym viedaje, što rabić, kali jon choča palapšeńnia stasunkaŭ z Polščaj i Jeŭrapiejskim Sajuzam», — skazaŭ Sikorski.
Kiraŭnik polskaha źniešniepalityčnaha viedamstva zapeŭniŭ, što Polšča budzie akazvać nie mienšy cisk na Łukašenku, čym heta rabiŭ papiaredni ŭrad.
«Chaču nahadać, što Andrej Pačobut užo try hady siadzić u turmie Łukašenki — my sprabujem roznyja idei, spadziajusia, što adna ź ich narešcie spracuje», — dadaŭ Sikorski.
Niadaŭna prezident Polščy Andžej Duda zajaviŭ, što bačyć simptomy pieramienaŭ, i što polski bok staŭ bližejšym da vyzvaleńnia Andreja Pačobuta.
Duda ab vyzvaleńni Pačobuta: Ja baču simptomy pieramien, my značna bližejšyja
MUS Polščy: Padstavy dla pieramovaŭ ź Biełaruśsiu pa miažy jość. Naš intares — vyzvaleny Pačobut i vydača zabojcy pamiežnika
Vaskrasienski zaprasiŭ kiraŭnika MZS Polščy pryjechać u navapołackuju kałoniju i zabrać Pačobuta
«Heta nie niazłomnaść, heta adekvatnaść». Siabry Andžeja Pačobuta pra toje, čamu jon nie zdajecca
Andžej Pačobut byŭ hatovy vyjechać ź Biełarusi — Rzeczpospolita
Dla čynoŭnikaŭ raspracavali miesiendžar Depesha. U čym jaho hałoŭnaja prablema?2
Kamientary