Polšča padymała ŭ pavietra bajavyja samaloty z-za rasijskaj ataki pa Ukrainie
Apieratyŭnaje kamandavańnie Uzbrojenych sił Polščy paviedamiła, što ŭ pavietra byli padniatyja polskija vajskovyja samaloty. U svaim paviedamleńni, apublikavanym u sietcy Ch, polskija vajskoŭcy pišuć, što «nazirajuć intensiŭnuju aktyŭnaść rasijskaj dalokaj avijacyi ŭ suviazi z pavietranymi i rakietnymi ŭdarami pa abjektach na terytoryi Ukrainy».
Polšča robić «usio nieabchodnaje dla harantavańnia biaśpieki polskaj pavietranaj prastory», skazana ŭ paviedamleńni. «My papiaredžvajem, što ŭ dziejańnie byli pryviedzienyja Samaloty Polščy i jaje chaŭruśnikaŭ», — pišuć Uzbrojenyja siły.
Ukrainskija ŭłady paviedamlajuć, što nad Lvovam byli zaŭvažanyja rasiejskija bieśpiłotniki, u horadzie byli čutnyja vybuchi, pracavali siły SPA.
Pa danych pavietranych sił USU, u zachodniaj Ukrainie taksama zafiksavanyja niekalki hrup rasijskich kryłatych rakiet, u pryvatnaści, jany ruchajucca ŭ napramku Lvoŭskaj, Ivana-Frankoŭskaj, Ciarnopalskaj i Chmialnickaj abłaściej.
Ahienctva Reuters paviedamiła, što polskaja avijacyja padymajecca ŭ pavietra praz rasijskija ŭdary pa Ukrainie treci raz za vosiem dzion.
Ciapier čytajuć
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili2
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu2424
Kamientary