Siejm Łatvii padtrymaŭ prapanovu ab zabaronie mašyn ź Biełarusi
Siejm Łatvii padtrymaŭ u pieršym čytańni papraŭki da Zakona «Ab darožnym ruchu», jakija z 1 listapada ŭvodziać zabaronu na znachodžańnie ŭ Łatvii transpartnych srodkaŭ, zarehistravanych u Biełarusi.
Zakonaprajektu prysvojena terminovaść, tak što jaho buduć prymać u dvuch čytańniach, a nie troch, paviedamlaje Delfi.lv
Papraŭki praduhledžvajuć, što transpartnyja srodki, zarehistravanyja ŭ Biełarusi, jakija ciapier znachodziacca na terytoryi Łatvii, pavinny być vyviezienyja abo zarehistravanyja dla ŭdziełu ŭ darožnym ruchu ŭ Łatvii da 31 kastryčnika.
Paśla ŭstanoŭlenaha terminu biełaruskija aŭtamabili zmohuć ujechać u Łatviju tolki adzin raz dla tranzitnaha pierasiačeńnia terytoryi krainy, zahadzia padaŭšy zajaŭku praź sistemu elektronnych pasłuh dyrekcyi biaśpieki darožnaha ruchu.
Miniustycyi prapanuje ŭklučyć u rehulavańnie dva vyklučeńni.
Zakonaprajekt nie budzie tyčycca asob z abmiežavanaj ruchomaściu, jakija kirujuć prynaležnymi im aŭtamabilami, zarehistravanymi ŭ Biełarusi, i ŭjazdžajuć u Łatviju z metaj naviedać svajakoŭ. Akramia taho, pa rekamiendacyi Ministerstva zamiežnych spraŭ, aŭtamabili, zarehistravanyja ŭ Biełarusi, zmohuć ujechać u Łatviju ŭ asablivych vypadkach, źviazanych ź biaśpiekaj. U takich vypadkach asobam nieabchodna budzie atrymać dazvoł ad Słužby finansavaj raźviedki dla ŭjezdu na terytoryju Łatvii.
-
«Ciapier jany našyja anioły-achoŭniki. Jany nas baroniać». U hetyja dni biełarusy naviedvali mahiły prodkaŭ ŠMAT FOTAŬ
-
«Biespardonna hruzić siabie i inšych»: były pamočnik Łukašenki Ihar Bryło biare na siabie vinu ŭ pramysłovych abjomach
-
Błohier Andrej Pavuk raskazaŭ, ci źbirajecca patelefanavać Łukašenku
«Biespardonna hruzić siabie i inšych»: były pamočnik Łukašenki Ihar Bryło biare na siabie vinu ŭ pramysłovych abjomach5
Kamientary