Bieh i chadźba — adnyja z samych dastupnych i papularnych formaŭ fizičnaj aktyŭnaści, jakija prynosiać karyść nie tolki našamu fizičnamu, ale i psichałahičnamu stanu. Čamu ź ich addać pieravahu?
Jak adznačajuć śpiecyjalisty, pry biehu i aktyŭnaj chadzie zadziejničanyja prykładna adnyja i tyja ž myšcy. Pavolny bieh i chadźba nie stolki trenirujuć, kolki «razahravajuć» myšcy, zabiaśpiečvajuć ich kryvioj, padtrymlivajuć ełastyčnaść. Akramia hetaha, jany zdolnyja pamienšyć tryvožnaść i depresiju.
Kab padtrymać zdaroŭje, SAAZ raić zajmacca lohkaj aktyŭnaściu 150—300 chvilin u tydzień abo siaredniaj — 75—150 chvilin. Inšymi słovami, vy možacie kožny dzień chadzić pa 20—40 chvilin abo biehać pa 10—20 i atrymlivać ad hetaha adnolkavyja pieravahi dla zdaroŭja.
Daśledavańnie, praviedzienaje šviejcarskimi navukoŭcami z udziełam 75 mužčyn, pakazała adnolkavuju efiektyŭnaść paŭhadzinnych prabiežak 4 razy na tydzień i padobnych pa časie prahułak 6 razoŭ na tydzień. Za šeść miesiacaŭ abiedźvie hrupy ŭdzielnikaŭ adnolkava dobra schudnieli i palepšyli vynoślivaść.
Što robić bieh lepšym
U toj ža čas, kali kazać pra praciahłaść žyćcia, to, jak pakazvajuć niekatoryja daśledavańni, bieh bolš efiektyŭny za chadźbu.
Daśledavańnie amierykanskich navukoŭcaŭ pakazała, što ŭ tych, chto rehularna biehaŭ truškom, ryzyka śmierci na praciahu nastupnych 15 hadoŭ źnižałasia na 30%.
Paraŭnańnie doŭhaterminovych danych amataraŭ biehu, jakija žyli ŭ Kapienhahienie, z astatnim zdarovym nasielnictvam, vyjaviła, što rehularnyja spakojnyja prabiežki pavialičvajuć praciahłaść žyćcia ŭ mužčyn na 6,2 hoda, a ŭ žančyn — na 5,6 hoda.
Chadźba taksama stanoŭča ŭpłyvaje na praciahłaść žyćcia. Ale efiekt ad jaje nie taki istotny. Naprykład, analiz danych 27,7 tysiačy čałaviek vyjaviŭ, što chadźba bolš za hadzinu ŭ dzień pavialičyła čakanuju praciahłaść žyćcia na 1,3 hoda ŭ mužčyn i na 1,1 — u žančyn.
U 2011 hodzie daśledčyki z Tajvania vyjavili, što rehularnyja 25-chvilinnyja prabiežki pryvodziać da źnižeńnia ryzyki śmierci prykładna na 35% na praciahu nastupnych vaśmi hadoŭ. Kab dasiahnuć taho ž efiektu ad chadźby, nieabchodna joj rehularna nadavać 105 chvilin.
Adnak u paraŭnańni z chadźboj u biehu jość svaje niedachopy. Jon moža traŭmavać — asabliva sustavy i źviazki.
Što abrać
Vybar pamiž bieham i chadźboj zaležyć ad indyvidualnych zapatrabavańniaŭ čałavieka, uzroŭniu jaho fizičnaj padrychtoŭki i met. Kali jon nikoli nie zajmaŭsia sportam ci maje miedycynskija abmiežavańni, chadźba moža być vydatnym varyjantam, bo jana mienš nahružaje sustavy i źmianšaje ryzyku traŭmaŭ. Bieh, ź inšaha boku, moža być bolš intensiŭnym i efiektyŭnym dla palapšeńnia vynoślivaści i spalvańnia kałoryj.
Dla dasiahnieńnia najlepšych vynikaŭ śpiecyjalisty rekamiendujuć kambinavać chadźbu i bieh. Naprykład, paśla piaci chvilin biehu iści na praciahu nastupnych piaci, a potym iznoŭ pierachodzić na bieh. Heta dapamoža źmienšyć vierahodnaść traŭmaŭ, zachoŭvajučy pry hetym stanoŭčyja efiekty dla zdaroŭja i vynoślivaści.
Pierad pačatkam zaniatkaŭ takoha kštałtu fizičnaj aktyŭnaściu lepš prakansultavacca z doktaram.
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary