Bieły dom nie budzie mianiać palityki ŭ dačynieńni da ŭdaraŭ zachodniaj dalnabojnaj zbrojaj pa Rasii
Pradstaŭnik Biełaha doma pa pytańniach nacyjanalnaj biaśpieki Džon Kirbi paraiŭ nie čakać praryvaŭ pa pytańni dazvołu Ukrainie bić pa terytoryi Rasii zachodniaj dalnabojnaj zbrojaj na fonie sustrečy prezidenta ZŠA Džo Bajdena z premjer-ministram Brytanii Kiram Starmieram u Vašynhtonie, paviedamlaje Reuters.
«Naša pazicyja pa pieradačy Ukrainie rakiet dalokaha radyusu dziejańnia dla ŭdaraŭ unutry Rasii nie źmianiłasia. Ja b nie čakaŭ surjoznych abjaŭ z hetaj nahody», — skazaŭ Džon Kirbi.
Akramia hetaha, pradstaŭnik Biełaha doma zajaviŭ, što ZŠA surjozna staviacca da papiaredžańnia Uładzimira Pucina ab tym, što jon paličyć Zachad niepasredna ŭciahnutym u kanflikt, kali Ukraina zapuścić rakiety dalokaha radyusu dziejańnia zachodniaj vytvorčaści ŭ Rasiju.
«Heta taja rytoryka, jakoj my nie čuli ad jaho raniej», — adznačyŭ jon i dadaŭ, što ZŠA ŭsprymajuć hetyja słovy surjozna.
ZŠA dazvolać Ukrainie vykarystoŭvać dla ŭdaraŭ pa Rasii zamiežnuju zbroju, ale nie rakiety ATACMS — The Times
Pucin ličyć dazvoł krain NATA vykarystoŭvać dalnabojnyja rakiety dla ŭdaraŭ pa Rasii ich pramym udziełam u vajnie
Zialenski abmierkavaŭ ź Blinkienam i Łemi pytańnie ŭdaraŭ pa Rasii dalnabojnaj zbrojaj. Vialikabrytanija ŭžo zhodnaja?
ZŠA ŭzhadnili pieradaču Ukrainie kryłatych rakiet vialikaj dalokaści dla F-16 — Reuters
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8181
Kamientary