Ukraina zabaraniła čynoŭnikam i vajskoŭcam karystacca miesiendžaram Telegram
Ukrainskija ŭłady zabaranili čynoŭnikam i vajskoŭcam karystacca miesiendžaram Telegram na słužbovych pryładach, što tłumačycca pahrozaj nacyjanalnaj biaśpiecy.
Pavodle kamientaroŭ aficyjnych asob, abmiežavańni buduć raspaŭsiudžvacca tolki na słužbovyja pieramovy pamiž supracoŭnikami dziaržaŭnych struktur i nie zakranuć asabistyja telefony abo aficyjnyja telehram-kanały.
Rašeńnie ab zabaronie Telegram na słužbovych pryładach pryniali Ukrainski nacyjanalny kaardynacyjny centr pa kibierbiaśpiecy i Rada nacyjanalnaj biaśpieki i abarony (RNBA). Vykarystańnie miesiendžara taksama abmiežavali na abjektach krytyčnaj infrastruktury Ukrainy.
Načalnik Hałoŭnaha ŭpraŭleńnia raźviedki Ministerstva abarony Ukrainy Kiryła Budanaŭ zajaviŭ, što rasijskija śpiecsłužby majuć dostup da pierapiski karystalnikaŭ Telegram, navat kali paviedamleńni vydalenyja, a taksama da ich asabistych danych.
«Ja zaŭsiody vystupaŭ i vystupaju za svabodu słova, ale pytańnie Telegram — heta pytańnie nie svabody słova, a nacyjanalnaj biaśpieki», — cytuje Budanava aficyjny akaunt RNBA ŭ fejsbuku.
Słužba biaśpieki Ukrainy i Hienštab USU taksama zajavili, što Rasija aktyŭna vykarystoŭvaje hety miesiendžar dla kibieratak, raspaŭsiudžvańnia škodnasnaha PZ, vyznačeńnia hieałakacyi karystalnikaŭ i karektavańnia rakietnych udaraŭ.
Raskazvajem, jak mahčyma ŭznaŭlać čaty ŭ Telegram i jak ad hetaha abaranicca
Pavieł Duraŭ na dopycie zajaviŭ, što supracoŭničaŭ z francuzskimi śpiecsłužbami
«Sapraŭdny hienij»: što viadoma pra Mikałaja Durava, suzasnavalnika Telegram
Makron prapanoŭvaŭ Duravu pieranieści štab-kvateru Telegram u Paryž, a śpiecsłužby Francyi łamali ajfon zasnavalnika miesiendžara
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary