Hramadstva2525

Jašyn: Łukašenka abmieńvaje palitviaźniaŭ na detali dla samalotaŭ «Biełavija»

Na sustrečy sa svaimi prychilnikami ŭ Vilni adzin z hałoŭnych rasijskich apazicyjanieraŭ ahučyŭ svaju viersiju nakont taho, čamu apošnim časam u Biełarusi adbyvajucca chvali pamiłavańnia palityčnych źniavolenych.

Illa Jašyn

Z zały prahučała pytańnie: što biełaruskaja apazicyja moža zrabić, kab uklučyć u abmien svaich palitviaźniaŭ. Illa Jašyn adkazaŭ, što treba pravodzić vialikija hramadzianskija palityčnyja kampanii i nahadvać pra losy palitviaźniaŭ. Jon zhadaŭ Maryju Kaleśnikavu, jakuju mučać za kratami, i nazvaŭ jaje vobrazam sučasnaj Biełarusi.

«Usie kampanii ŭ padtrymku palitviaźniaŭ, jakija inicyjuje biełaruskaja apazicyja, buduć nami padtrymanyja. My zrobim usio mahčymaje, kab pryciahnuć da hetaha ŭvahu.

Bolš za toje, ciapier ja i maje kalehi sustrakajemsia z roznymi pradstaŭnikami zachodnich krain, u tym liku na samym vysokim uzroŭni. Vy viedajecie, što Julija Navalnaja i Uładzimir Kara-Murza ŭ apošnija tydni praviali sustrečy z prezidentam Bajdenam, z prezidentam Makronam i z kancleram Šolcam. Julija niadaŭna sustrakałasia ŭ Kanadzie, jaje prymali na samym vysokim uzroŭni. Ja vas zapeŭnivaju, na kožnaj hetaj sustrečy havorka idzie ŭ pieršuju čarhu pra palitviaźniaŭ. I ŭ tym liku hučać proźviščy palitviaźniaŭ ź Biełarusi.

My sa svajho boku robim usio dla taho, kab u śpisy nastupnaha abmienu byli ŭklučanyja biełaruskija palitviaźni naroŭni z rasijskimi. Zrazumieła, što heta nie tak prosta zrabić, tamu što nie vielmi zrazumieła, što, ułasna, Zachad moža prapanavać Łukašenku ŭ abmien».

Alaksandr Łukašenka ŭ Pałacy Niezaležnaści ŭ Minsku. Fota Mikhail Metzel via AP

Jašyn zhadaŭ niadaŭnija pamiłavańni, kali Łukašenka adpuskaŭ ludziej partyjami pa 30 čałaviek.

«Jak mnie patłumačyli, jon litaralna abmieńvaje ludziej na detali dla samalotaŭ. U jaho prablema z «Biełavija», i jamu treba ramantavać samalot, jamu patrebnyja niejkija detali, jakija jon nie moža atrymać praz sankcyi.

I jon litaralna abmieńvaje žyvych ludziej na detali dla samalotaŭ. Ale zrazumiełaja reč, što ni Maryju Kaleśnikavu, ni Cichanoŭskaha, ni Babaryku ni na jakija detali jon nie abmianiaje. Nu, značyć, Pucin chaj na jaho naciśnie. Jany tam potym raźbiarucca».

Kamientary25

  • FF
    22.09.2024
    Kaleśnikava vobraz sučasnaj Biełarusi? Vobrazami sučasnaj Biełarusi pavinny być takija ludzi, jak Sieviaryniec, Statkievič, Daškievič. A Kaleśnikava vobraz «nievierojatnoj» častki hramadstva
  • Jašin
    22.09.2024
    [Red. vydalena]
  • Žora
    22.09.2024
    Aha, kaniečnie, Kaleśnikava jak "vobraz Biełarusi". Bo razmaŭlaje na zrazumiełaj im, rasiejcam, movie. Nie Daškievič, katory adsiadzieŭ niekalki terminaŭ da 2020 hoda i znoŭ siadzić, ale Kaleśnikava.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Tramp nie moža pavieryć, što nazvaŭ Zialenskaha dyktataram20

Tramp nie moža pavieryć, što nazvaŭ Zialenskaha dyktataram

Usie naviny →
Usie naviny

Adzin hrafik, jaki pakazvaje ŭsiu biadu z daktarami ŭ rehijonach11

Łukašenka daje intervju amierykanskamu błohieru7

Intervju Łukašenki abvieścili ekstremisckim materyjałam13

Intymnaje videa zasnavalnicy startapa, źniataje bieź jaje zhody, trapiła ŭ internet. Joj spatrebiłasia try hady, kab usio vydalić1

Chacieli napisać «rasist», a atrymlivałasia «Tramp». U ajfonach zdaryŭsia dziŭny zboj

Jak rasijanie staviacca da Łukašenki — vyniki śviežaha apytańnia11

U sacsietkach pišuć pra mańjaka ŭ Navapołacku. Milicyja prakamientavała2

Roŭna piać hadoŭ tamu ŭ Biełaruś pryjšoŭ karanavirus2

Administracyja Trampa zajaŭlaje, što skaračaje 90% kantraktaŭ USAID na zamiežnuju dapamohu8

bolš čytanych navin
bolš łajkanych navin

Tramp nie moža pavieryć, što nazvaŭ Zialenskaha dyktataram20

Tramp nie moža pavieryć, što nazvaŭ Zialenskaha dyktataram

Hałoŭnaje
Usie naviny →

Zaŭvaha:

 

 

 

 

Zakryć Paviedamić