Hanna Južakova raspaviała, jak heta — znoŭ hrać na zdymkach siamju z byłym mužam Paŭłam Charłančukom
Akciory Hanna Južakova i Pavieł Charłančuk raźvialisia letaś. Razam para pražyła amal dvaccać hadoŭ, vychoŭvajučy piaciora dziaciej. Znoŭ stać siamjoj im pryjšłosia na zdymačnaj placoŭcy dla sieryjała rasijskaj vytvorčaści «Apantanaść». Hanna Južakova pryznałasia, što joj heta davałasia niaprosta: «vylataju z roli, ravu, nie razumieju, ci spyniać scenu, ci praciahvać».
U sieryjale Hanna vykanała rolu ŭdavy. Muž hieraini, jakoha hraje Pavieł Charłančuk, pa siužecie byŭ zabity ŭ numary matela.
Pra toje, jak heta — zdymacca razam z eks-mužam, aktrysa raspaviała ŭ svaim instahramie.
«Ja ž aktrysa — zhulała rolu i vyjšła. Ale niešta pajšło nie tak. Tut ja na miažy, vylataju z roli, ravu. Słovy prastrelvajuć naskroź. Nie razumieju, spyniać scenu ci praciahvać», — ščyra padzialiłasia pačućciami za kadram Hanna.
U filmie dla naturalnaści navat vykarystoŭvalisia sapraŭdnyja sumiesnyja fotazdymki pary ź ich siamiejnaha žyćcia. Hanna taksama adznačyła, što ŭ kadry časam pramaŭlała «niavydumany tekst», naprykład, u scenie, dzie jana kaža, što «nikoli nie chacieła razvodu».
Aktrysa dzielicca ŭ instahramie, što niekatoryja ludzi, jakija viedali pra zdymki z Paŭłam, pytalisia ŭ jaje, ci nie sadamazachistka jana.
«Dakładna nie! Pravierana! Dumaju, sabaka zakapany ŭ tym, što ja lublu daśledavać žyćcio, adkryvać novyja dźviery i iści ŭ nieviadomaść. I ja pajšła, choć strašna. Ale ja lublu daśledavać svoj strach, praz heta prychodžu da samoj siabie. Ja prosta pierastała biehčy ad bolu. Ja pačała być tam, dzie jon jość. I hladzieć jamu ŭ vočy», — patłumačyła aktrysa.
U vyniku jana pryjšła da taho, što vielmi ŭdziačnaja byłomu mužu: «Tak, ty pryhažunčyk. Ty abraŭ siabie, svajo žyćcio, svaje pačućci. Ty nie zachacieŭ chłusić ni sabie, ni mnie. Ty pakazaŭ mnie, što žyćcio adno i nie varta prasirać jaho pa-za kachańniem. Ja zabiraju hety biascenny dośvied. Z usich maich nastaŭnikaŭ ty — samy mahutny (i heta nie ironija). Ja radaja, što našy žyćci adnojčy pierasieklisia i ciapier pierasiakajucca ŭ kino».
Premjera rasijskaha sieryjała «Apantanaść» adbyłasia 19 vieraśnia. Pa siužecie ŭ hałoŭnaha hieroja Hleba źnikaje žonka. Potym jon daviedvajecca, što jaje abvinavačvajuć u zabojstvie. Razbłytvajučy hetuju spravu, mužčyna adkryvaje šmat novaha pra tajamnicy žonki.
Režysiorkaj i scenarystkaj kino vystupiła Valancina Ułasava. Akramia Charłančuka i Južakovaj, u sieryjale źnialisia i inšyja akciory ź Biełarusi: naprykład, Maryna Paddubnaja, Viera Kavalerava, Julijana Michnievič, Anžalika Barčan, Michaił Jeśman.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary