Błohier, jaki zatroliŭ Hajdukieviča, raskazaŭ, čamu jaho zvolnili z Kyky.org
Zorka tyktoku Hleb Siamionaŭ zapisaŭ apošni raźvitalny rolik. Jon raskazaŭ «Našaj Nivie», u čym pryčyna zvalnieńnia.
Pra zvalnieńnie Hleba papiaredzili za dva tydni. Błohier kaža, što heta «praz Trampa». Redakcyja pierachodzić na režym žorstkaj ekanomii.
«U metach ekanomii buduć abychodzicca namahańniami mienšaj kolkaści ludziej, — raskazvaje jon. — Nakolki ja razumieju, u Kyky zastajucca ludzi, jakija ciapier robiać ryłsy, mahčyma, jany stanuć pierazalivacca ŭ tyktok. Sumniajusia, što źjavicca niejki asobny tvar, jaki stanie vieści profil. U redakcyi dakładna jość žadańnie zachavać žyćcio kanała, ale nieviadoma, u jakoj formie».
Watch on TikTok
Hleb Siamionaŭ ciapier šukaje pracu ŭ žurnalistycy. Jon nie choča iści z prafiesii, bo ličyć, što znajšoŭ siabie ŭ joj. Hleb praciahvaje ŭdzielničać u humarystyčnym šou «o(b)suždajem», u prajekcie «Kak eto ponimať» z Arciomam Šrajbmanam.
«Jość niejki zapas idej, jakija ja nie paśpieŭ realizavać. Tyja karcinki, jakija ja baču i sprabuju potym pieratvaryć u videa, patrebnyja śvietu. Ja ŭ hetym upeŭniŭsia za dva hady, što vioŭ tyktok Kyky. Sprabuju znajści ŭ sabie pryčynu, kab pasprabavać znoŭ. Usio ž mnie nie 50 hadoŭ, nie mahu skazać, što majo žyćcio skončana.
Kali biełaruskija miedyja zastanucca zakrytymi dla ŭvachodu, mahčyma, pajdu ŭ rasijskija, chto viedaje. Ujaŭlaju, što kali ŭładkujusia ŭ rasijski niejki ŚMI, złyja jazyki pačnuć kazać «jon prakramloŭski», «ruskamirny», «my ž kazali».
Situacyja ślizkaja: kali źviazvaješ žyćcio ź biełaruskimi miedyja, to z hoładu treba pamierci na vulicy, ale zatoje hieroj. A kali z rasijskimi, to adrazu zdradnik», — kaža Hleb.
«Heta prosta ja i ŭsio». Błohier Hleb Siamionaŭ padzialiŭsia asabistym — pra adnosiny, siamju i ŭražańni ad hiej-kłubaŭ
Biełaruski błohier vyjšaŭ na «Parad roŭnaści» ŭ Varšavie z płakatam «Svabodu Hajdukieviču» FOTAFAKT
«Ja sumuju pa rokiercy Kačanavaj, jakaja nie bajałasia vymavić słova «parnahrafija». Chto samy miemny z čynoŭnikaŭ
Ciapier čytajuć
Biełaruska pracuje ŭ Dubai rusałkaj, kab addać doŭh 20 tysiač dalaraŭ2
Kamientary