Zdaroŭje77

Chočacie źnizić abo padvysić svaju ahresiŭnaść na 30%? Voś prosty sposab

Charčovyja dabaŭki z rybinym tłuščam, jakija ŭtrymlivajuć amieha-3, daŭno viadomyja svaimi karysnymi ŭłaścivaściami dla zdaroŭja serca. Adnak novaje daśledavańnie pakazała, što hetyja dabaŭki taksama zdolnyja źnižać uzrovień ahresii.

aggressive behavior ahrieśsivnoje poviedienije ahresiŭnyja pavodziny
Fota: dimaberlin552826 / vecteezy.com

Ahresiŭnyja pavodziny mohuć vyjaŭlacca jak u adkrytaj formie (słovy, fizičny hvałt i ździeki), tak i ŭ schavanaj (vandalizm, psavańnie majomaści, kradziažy). Jany mohuć mieć niehatyŭnyja nastupstvy dla mižasabovych adnosin i hramadstva, a taksama pryvodzić da prablem z pravasudździem. Tamu važna znajści sposab źnižeńnia ahresii.

Vučonyja ź Piensilvanskaha ŭniviersiteta (ZŠA) prapanujuć rašeńnie. Jak piša New Atlas, daśledavańnie, vyniki jakoha apublikavanyja na staronkach časopisa Aggression and Violent Behavior, pakazała, što zvyčajnyja dabaŭki z amieha-3 zdolnyja źnižać ahresiŭnyja pavodziny niezaležna ad uzrostu i połu.

Varta adznačyć, što suviaź amieha-3 z pavodzinami vyvučałasia jašče raniej. U 2001 hodzie doktar Džozef Chibieln (Joseph Hibbeln) z Nacyjanalnaha instytuta zdaroŭja ZŠA apublikavaŭ daśledavańnie, u jakim raskazaŭ pra vyjaŭlenuju suviaź pamiž vysokim spažyvańniem ryby (viadoma, što ryba bahataja na amieha-3) i bolš nizkim uzroŭniem zabojstvaŭ.

Fota: Cattalin / Pixabay

U nastupnym hodzie daśledavańnie, jakoje praviali vučonyja z Oksfardskaha ŭniviersiteta ŭ Vialikabrytanii, pakazała, što ŭ źniavolenych, jakija atrymlivali vitaminy i amieha-3 tłustyja kisłoty, uzrovień hvałtu i antyhramadskich pavodzin źnižaŭsia.

Daśledčyki z Univiersiteta Piensilvanii nie tolki vyvučali ŭpłyŭ amieha-3 na ahresiju, ale i sprabavali vyśvietlić, ci dziejničaje hety elemient na ŭsie formy ahresii. U psichałohii ahresiju dzielać na reaktyŭnuju (adkaz na pahrozu abo pravakacyju) i praaktyŭnuju (zapłanavanuju).

Vučonyja praanalizavali 29 daśledavańniaŭ, u jakich aceńvałasia ahresija ludziej, što prymali amieha-3. Jany skancentravalisia mienavita na pavodzinnych prajavach ahresii, a nie na takich emacyjnych jaje prajavach, jak złość abo varožaść.

Vyniki pakazali ścipły, ale značny karotkaterminovy efiekt, jaki pryvioŭ da źnižeńnia ahresii na 30%. Pry hetym amieha-3 akazałasia efiektyŭnaj jak dla reaktyŭnaj, tak i dla praaktyŭnaj ahresii va ŭsich ludziej niezaležna ad poła, uzrostu, zychodnaha dyjahnazu, praciahłaści lačeńnia i daziroŭki.

Vučonyja tłumačać, što ahresija i hvałt majuć kahnityŭnuju i niejrachimičnuju asnovu. Akramia taho, viadoma, što amieha-3 tłustyja kisłoty adyhryvajuć važnuju rolu ŭ struktury i funkcyjanavańni mozha, uklučajučy rehulavańnie niejramiedyjataraŭ i ekspresii hienaŭ, a taksama źmianšajuć zapalenčyja pracesy ŭ mozhu. Mienavita heta i moža ŭpłyvać na samu ahresiju.

Vučonyja padkreślivajuć, što treba pravieści dadatkovyja daśledavańni, kab acanić doŭhaterminovy efiekt prymianieńnia amieha-3 dla źnižeńnia ahresii.

U toj ža čas jany adznačajuć, što nastaŭ čas uklučać hetuju charčovuju dabaŭku dla źnižeńnia ahresiŭnaści niezaležna ad taho, dzie jana prajaŭlajecca — u hramadstvie, klinicy ci pienitencyjarnaj sistemie. Prymać amieha-3 biaśpiečna nie tolki dla darosłych, ale i dziaciej.

«Prynamsi, baćki, jakija šukajuć lačeńnia dla ahresiŭnaha dziciaci, pavinny viedać, što ŭ dadatak da luboha inšaha lačeńnia, jakoje atrymlivaje ich dzicia, dadatkovaja porcyja abo dźvie ryby kožny tydzień taksama mohuć dapamahčy», — zaŭvažajuć aŭtary.

Vučonyja rekamiendujuć užyvać amieha-3 tłustyja kisłoty ŭ spałučeńni z najaŭnymi mietadami psichałahičnaha i psichijatryčnaha lačeńnia.

Kamientary7

  • Harambuš
    27.09.2024
    Pytańnie, nu upotrieblať rybu i omiehu-3
  • Takoje siebie
    28.09.2024
    Očień słabaja dokazatielnaja baza. To, čto oni našli - korrielacija, a nie pathway. Ja by tak-to priedpołožił, čto ludi kotoryje zabotiatsia o svojom zdorov́je i pokupajut omieha-3 i krasnuju rybu imiejut boleje vysokij urovień obrazovanija i dochoda. Jestiestvienno, čto takije budut sovieršať horazdo mieńšie antisocialnych diejstvij prosto po umołčaniju.
  • .
    28.09.2024
    Nie abaviazkova (choć i padrabiaznaściej u artykuły małavata). Daśledavańnie pra źniavolenych, jakim davali roznyja vitaminy, vyklučaje ŭpłyŭ dachodaŭ na vyniki.
    Da taho, dalej pišuć pra mieta-analiz z 29 daśledavańniaŭ.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie56

«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie

Usie naviny →
Usie naviny

Śmierć udovam. Archieołah raskazaŭ pra znachodku, jakaja śviedčyć pra žudasny zvyčaj pieršych słavian na Biełarusi31

Bum na matču pa ŭsim śviecie: popyt raście, zapasy źmianšajucca5

Piać parad, jak prosta pazbavicca ad pachu i plam potu na adzieńni3

Rasijanie try hadziny bili pa Charkavie KABami, balistykaj i šachiedami. Ździejśniena kambinavanaja ataka na Dniapro2

«Kupałaŭcy» anansavali pačatak novaha teatralnaha siezona1

Pasažyrka «nie ŭkłałasia ŭ tajminh» padčas sanitarnaha prypynku — mižnarodny aŭtobus pajechaŭ bieź jaje5

Staŭ viadomy los źbiehłych dzikabrazaŭ u Rečyckim rajonie2

Bieraściejec uvoziŭ u Polšču biarozavaje palena. Akazałasia, heta kostka mamanta2

Vydaliŭ akaŭnt, pačyściŭ techniku — i ŭsio adno pryjšli. Mikita Łosik raskazaŭ, jak jaho vyličyli siłaviki25

bolš čytanych navin
bolš łajkanych navin

«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie56

«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie

Hałoŭnaje
Usie naviny →

Zaŭvaha:

 

 

 

 

Zakryć Paviedamić