U Varšavie biełarusa zatrymali za zachoŭvańnie narkotykaŭ. Jaho znajšli pa pachu
Palicyjanty vyjechali na paznačany adras u varšaŭskim rajonie Makotaŭ pa navodcy adnaho ź miascovych žycharoŭ, jaki pačuŭ charakterny pach marychuany na leśvičnaj kletcy. U vyniku byŭ zatrymany biełarus, jaki zachoŭvaŭ vialikuju kolkaść narkotykaŭ, uklučajučy marychuanu, miefiedron i kakain, piša the-warsaw.com.
U kvatery vyjavili narkotyki, padrychtavanyja dla raspaŭsiudžvańnia (kala 500 doz zabaronienych rečyvaŭ, u tym liku marychuana, miefiedron i kakain).
Zatrymany mužčyna, hramadzianin Biełarusi, byŭ dastaŭleny ŭ pastarunak, dzie pryznaŭsia, što arandavaŭ kvateru, a narkotyki jamu pastaŭlaŭ nieviadomy, ź jakim jon źviazvaŭsia praź miesiendžar.
Pa hetaj spravie adbudziecca sud. Na hety momant kanfiskavanyja narkatyčnyja srodki, dokazy pa spravie i suma zvyš 3000 złotych (kala 765 dalaraŭ).
Za zachoŭvańnie nievialikaj kolkaści narkatyčnych srodkaŭ polskija zakony praduhledžvajuć pazbaŭleńnie voli na termin da 3 hadoŭ. Za zachoŭvańnie značnaj kolkaści pakarańnie moža dasiahać 10 hadoŭ.
Ciapier čytajuć
Maładuju biblijatekarku z Horak asudzili za pratesty2
Maładuju biblijatekarku z Horak asudzili za pratesty
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1515
Kamientary
Nielha dapuścić navat pryvatnaŭłaśnickich suburbijaŭ, ź ichaj mahčymaściu siemjam stajać na ŭłasym łapciku ziamli i schavacca ad ŭzajemanahladu susieda za parkanam.
Vykarystajma ŭsie srodki ad dziaržbudanictva i subsydavańnia špakoŭniaŭ da ŭrbanistaŭ, jakim suburbija kiepska ź nieba vyhladaje i aŭtobus nia moža paźbirać na zavod i ŭ škołu, prydziecca nie adymać asabisty aŭtatranspart