U Biełaruś źbirajecca pryjści skandalnaja rasijskaja sietka «Jobidojobi»
Adna z samych skandalna viadomych rasijskich sietak hramadskaha charčavańnia «Jobidojobi» źbirajecca vyjści na biełaruski rynak. Na sajcie dla frančajzi dastaŭki sušy i rołaŭ Biełaruś paznačanaja jak «pryjarytetny rehijon raźvićcia». Akramia taho, jak vyśvietliŭ Office Life, «Jobidojobi» zapuściła rekłamnuju kampaniju pa pošuku biełaruskich partnioraŭ.
«Jobidojobi» abiacaje novym partnioram adaptavać svaju ekanamičnuju madel dla horada, dapamahčy z adkryćciom i vyjści na čysty prybytak ad $50 tys. u hod. Umovy: košt franšyzy ad $5 tys., rojałci — 4% ad abarotu.
Za heta novym partnioram prapanujuć «mahutny i skandalna viadomy brend», dostup da «vielizarnaj bazy viedaŭ», markietynhavaje supravadžeńnie, hatovy sajt dla zamovy anłajn, buchhałtarskaje i jurydyčnaje supravadžeńnie i h. d.
Sietku ŭ 2016 hodzie zapuścili pradprymalniki Dźmitryj Pradzied i Kanstancin Zimien z Krasnajarska. Dastaŭka pierš za ŭsio viadomaja svajoj nazvaj i pravakacyjnym padychodam da markietynhu, z-za čaho časta traplaje ŭ miedyjnyja skandały.
Tak, naprykład, u siaredzinie 2023 hoda jana prajhrała sud ź Fiederalnaj padatkovaj słužbaj Rasiei. Viedamstva chacieła, kab «Jobidojobi» źmianiła svaju firmovuju nazvu, bo jana «maje suhučča sa słovami nienarmatyŭnaj leksiki, jakija majuć nieprystojny źmiest, a taksama supiarečać hramadskim intaresam i pryncypam marali».
Zrešty, taki padychod da markietynhu spracavaŭ. U kampanii 82 partniory i bolš za 200 filijałaŭ u čatyroch krainach śvietu, a hadavy abarot sietki składaje $75 młn.
«Vybačajemsia, što začapili pačućci ruskich». Jak u Rasii ckujuć tych, chto nie ŭpisvajecca ŭ «tradycyjnyja kaštoŭnaści»
U Minsku bankrutuje firma, jakaja raźvivała sietku burhiernych ad Cimaci
U Biełarusi chutka źjaviacca niekalki novych rasijskich franšyz
Stała viadoma, kamu adyšła častka «Vostrava čyścini»
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim24
Kamientary