U vieku 78 hadoŭ pamior Emilijo Łavacca — čałaviek, jaki zrabiŭ svajo imia sinonimam kavy.
Kala 40 hadoŭ Łavacca kiravaŭ kampanijaj, jakaja nasiła jaho imia. Za hety čas marka Lavazza stała papularnaj va ŭsim śviecie. U siabie na radzimie, u Italii, hetaja kampanija kantraluje amal pałovu ŭsich roźničnych prodažaŭ.
«Jon nie byŭ publičnaj piersonaj.
[Ludzi z Turyna] vielmi ceniać svajo pryvatnaje žyćcio. Ale mienavita Emilijo vyvieŭ hetuju kampaniju na mižnarodny rynak», — zajaviŭ u intervju Bi‑Bi‑Si pres‑sakratar kampanii Lavazza.
Emilijo Łavacca vielmi caniŭ spakoj i pryvatnaje žyćcio i
daŭ tolki adno intervju italjanskaj haziecie. Heta adbyłosia 15 hadoŭ tamu.
Ekspansija siamiejnaha biźniesu
Kampanija była zasnavanaja dziedam Emilijo Łuidžy Łavacca ŭ 1895 hodzie.
Sam Emilijo pryniaŭ kiraŭnictva kavavym biznesam paśla śmierci svajho baćki, jakoha, jak i dzieda, zvali Łuidžy, u 1971 hodzie.
Mienavita Emilijo razharnuŭ markietynhavuju kampaniju za miežami nie tolki Turyna, ale i ŭsioj Italii,
dziakujučy čamu ŭ niekatorych krainach słova «łavacca» stała amal sinonimam słovu «espresa».
Pieršaje zamiežnaje pradstaŭnictva Lavazza było adkryta ŭ 1982 hodzie ŭ Francyi. Zaraz kampanija pracuje navat u takich krainach, jak Brazilija i Indyja i źjaŭlajecca šostaj u śviecie kampanijaj pa abjomach absmažavańnia kavy.
Pavodle papiarednich padlikaŭ, abjom prodažaŭ Lavazza za 2009 hod moža skłaści bolš za 1,1 młrd jeŭra.
Ciapier čytajuć
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii5
Kamientary