U Viciebsku pradajecca Opel 1937 hoda. A prosiać jak za sučasnaje aŭto
Žychar Viciebska vystaviŭ na Kufar niamiecki aŭtamabil, jakomu 87 hadoŭ. Hetaja madel vypuskałasia ŭsiaho dva hady, pišuć Narodnyja naviny Viciebska.
U apisańni madel aŭto pakazanaja jak B6. Ale, chutčej za ŭsio, heta «Opel Super 6». Hetaja madel vypuskałasia z 1937 pa 1938 hady ŭ niekalkich varyjantach. Usiaho było vypuščana 46 453 aŭtamabili. U Viciebsku pradajecca varyjant z 4-dźviarnym kuzavam.
Aŭtamabil važyŭ bolš za tonu — 1145 kiłahramaŭ — i z rodnym 2.5 litrovym ruchavikom mahutnaściu zvyš 50 konskich sił moh razhaniacca da 117 kiłamietraŭ za hadzinu.
Dadzieny asobnik «Opel Super 6» znachodzicca prykładna za 25 kiłamietraŭ ad Viciebska ŭ Krupienina. Zachoŭvajecca jon u niejkim paŭrazburanym budanie, i čas nie paškadavaŭ antyk.
Miarkujučy pa aŭtamabilnym rehistracyjnym numary SSSR uzoru 1959 hoda, heta aŭto ekspłuatavałasia jašče jak minimum u 1960-ja. Jaho ŭładalnik, miarkujučy pa tym ža numary «97-97 SMP» žyŭ u Smalenskaj vobłaści RSFSR i mieŭ «błat» u DAI, tak zmoh atrymać «pryhožy» numarny znak.
Košt łota ŭstanoŭlena prykładna ekvivalentny 10 000 dalaram.
Kamientary
Kakije jeŝie vintažnyje?Ržavyje ušatannyje viedra iz 80-90-ch, kotoryje nikomu v mirie nie nužny. Uŝierbnyje sovki dorvaliś do koptiaŝich viedier, kotoryje nie mohli imieť rańšie. V to vriemia, kak vieś civilizovaannyj mir s nich słazit ili pieriesaživajetsia na električki.