Жыхар Віцебска выставіў на Kufar нямецкі аўтамабіль, якому 87 гадоў. Гэтая мадэль выпускалася ўсяго два гады, пішуць Народныя навіны Віцебска.
У апісанні мадэль аўто паказаная як B6. Але, хутчэй за ўсё, гэта «Opel Super 6». Гэтая мадэль выпускалася з 1937 па 1938 гады ў некалькіх варыянтах. Усяго было выпушчана 46 453 аўтамабілі. У Віцебску прадаецца варыянт з 4-дзвярным кузавам.
Аўтамабіль важыў больш за тону — 1145 кілаграмаў — і з родным 2.5 літровым рухавіком магутнасцю звыш 50 конскіх сіл мог разганяцца да 117 кіламетраў за гадзіну.
Дадзены асобнік «Opel Super 6» знаходзіцца прыкладна за 25 кіламетраў ад Віцебска ў Крупеніна. Захоўваецца ён у нейкім паўразбураным будане, і час не пашкадаваў антык.
Мяркуючы па аўтамабільным рэгістрацыйным нумары СССР узору 1959 года, гэта аўто эксплуатавалася яшчэ як мінімум у 1960-я. Яго ўладальнік, мяркуючы па тым жа нумары «97-97 СМП» жыў у Смаленскай вобласці РСФСР і меў «блат» у ДАІ, так змог атрымаць «прыгожы» нумарны знак.
Кошт лота ўстаноўлена прыкладна эквівалентны 10 000 далярам.
Цяпер чытаюць
Яму далі 15 гадоў па паказаннях Пратасевіча. Ён пасівеў за адну ноч24
Каментары
Какие еще винтажные?Ржавые ушатанные ведра из 80-90-х, которые никому в мире не нужны. Ущербные совки дорвались до коптящих ведер, которые не могли иметь раньше. В то время, как весь цивилизоваанный мир с них слазит или пересаживается на электрички.