«U kamiery 2ch2 mietra znachodzicca vosiem čałaviek». Syn hałoŭnaha treniera chakiejnaha «Dynama» adsiadzieŭ na Akreścina i atrymaŭ departacyju
Syn nastaŭnika zbornaj Biełarusi pa chakiei Mikita Kvartalnaŭ siadzieŭ va ŭmovach dla palityčnych. Jon raspavioŭ, pa jakim artykule patrapiŭ na Akreścina.
Mikita Kvartalnaŭ, syn hałoŭnaha treniera minskaha «Dynama» i zbornaj Biełarusi pa chakiei Dźmitryja Kvartalnava, vyjšaŭ paśla 10 sutak na Akreścina.
Rasijski chakiejny ahient raspavioŭ «Sport-Ekspresu», što bojki z dyrektaram «Dynama» Arciomam Karkockim u jaho nie było.
«Nie chaču ŭdavacca ŭ padrabiaznaści ŭsioj situacyi. Pisali vielmi šmat viersij, ale mahu kanstatavać, što ŭsie jany niepraŭdzivyja. Nie było nijakaj bojki, nie było rukaprykładstva. Było nievialikaje nieparazumieńnie. Ja znachodziŭsia ŭ inšaj krainie. U Respublicy Biełaruś zakon adziny dla ŭsich — u hetym ja pierakanaŭsia. Ja pavažaju hetyja zakony.
Za moj artykuł zvyčajna dajuć štraf, mnie dali praktyčna maksimalny termin. Heta žorstka, heta surova, ja takoha nie čakaŭ. Ale, napeŭna, tak i pavinna było adbycca», — zajaviŭ Kvartalnaŭ.
Miarkujučy pa ŭsim, Mikitu ŭ CIP na Akreścina adpravili da tych, chto siadzić za palityku. Jon raskazaŭ, što ŭ maleńkaj kamiery znachodzili 8 čałaviek. A aryštavali Kvartalnava pa artykule ab drobnym chulihanstvie.
«Artykuł 19.1. Niecenzurnaja łajanka ŭ hramadskim miescy. Ni razu da hetaha nie papadaŭ u takija situacyi, nie mahu skazać, nakolki ŭsio było pravilna. Ale ŭsio adbyłosia pa zakonie, pa pratakole. Atrymaŭ vielmi surjozny žyćciovy ŭrok, kałasalny stres. Ad hetaha treba krychu adyści.
Ale maralna ja staŭ macniejšym: ciažka siadzieć u kamiery 2ch2 mietry, dzie znachodzicca vosiem čałaviek. Nie dumaju, što ŭ niejkich turmach uvohule jość dobryja ŭmovy. Ubačyŭ šmat drobiaziaŭ: akazvajecca, dla ščaścia šmat nie treba. Kali prychodzić abied — sapraŭdy ščaście pajeści. Na voli ty heta nie šanuješ, a tam šanuješ», — raspavioŭ ahient.
Na Akreścina synu hałoŭnaha treniera zbornaj Biełarusi było sumna.
«Kali papadaješ u takuju situacyju, arhanizm uklučaje stresavy režym. Heta ciažka rastłumačyć. Ty razumieješ, što ŭ bližejšyja dziesiać dzion ty budzieš znachodzicca ŭ zamknionaj prastory. Režym — u 22:00 kładziešsia, u 6:00 ustaješ. Było sumna.
Ja byŭ prostym čałaviekam. My razmaŭlali na roŭnych. Dobra, kali ludzi nie hladziać na niejki tvoj status, idzie kamunikacyja bieź niejkich pantoŭ», — skazaŭ Kvartalnaŭ.
Paśla taho jak Kvartalnaŭ-małodšy adbyŭ administracyjny aryšt, jaho departavali ź Biełarusi na try hady.
«Heta administratyŭnaje pravaparušeńnie, ja ničoha takoha drennaha nie zrabiŭ. Tak, mianie departavali, ale ja navat nie staŭ vyśviatlać, ź jakoj pryčyny. Departavali na try hady: pryniaŭ heta, padpisaŭ usie papiery. Skažu ščyra, nie vielmi praz heta źniervavaŭsia», — raspavioŭ Mikita.
Pry hetym Kvartalnaŭ adznačyŭ, što pa jaho mientalnym zdaroŭi byŭ naniesieny ŭdar, tamu jon źbirajecca źviarnucca da psichołaha.
Pra zatrymańnie Mikity Kvartalnava stała viadoma 6 vieraśnia. ŚMI paviedamlali, što ŭ jaho zdaryŭsia kanflikt z dyrektaram minskaha «Dynama» Arciomam Karkockim, u vyniku kiraŭnik kłuba vyklikaŭ na ahienta milicyju.
Praŭładny kanał: Čamu Pratasieviča ŭziali na pracu, a biełarusaŭ, jakija lehalna stavili podpisy za alternatyŭnych kandydataŭ, nie biaruć?4
Kamientary
Što cikava, prahulaŭšysia la čyhunačnaha vakzala, pabyŭšy vo ŭ zali čakańnia i na pieronie, nasłuchaŭsia łajanki, i jana hučała naŭprost, jak zvykłaja j nieadjemnaja častka movy ŭ ludziej. Milicejski patrul tam uvieś čas baražyruje, i ŭ chłopcaŭ vušy zusim nie adviali, admysłova pravieryŭ. Iznoŭ ža, hramadzkaje miesca... :)))