Premjer Polščy zajaviŭ, što ŭ ES razumiejuć jaho mihracyjnuju palityku
Za dva dni da samitu Jeŭrapiejskaj rady polski ŭrad pryniaŭ mihracyjnuju stratehiju na 2025-30 hh., jakaja, miž inšym, praduhledžvaje, što ŭ vypadku pahrozy destabilizacyi krainy z-za napłyvu imihrantaŭ možna časova i terytaryjalna prypynić prava prymać zajavy ab nadańni prytułku, paviedamlaje Polskaje radyjo.
«Ja dasiahnuŭ taho, čaho chacieŭ dasiahnuć pa mihracyi; pierš za ŭsio razumieńnie», — zajaviŭ premjer-ministr Donald Tusk pierad pačatkam samitu Jeŭrapiejskaj rady ŭ Brusieli na pytańnie ab pieramovach ź lidarami ES. Jon pryznaŭsia, što «heta było lahčej», čym jon čakaŭ.
Za dva dni da samitu Jeŭrapiejskaj rady polski ŭrad pryniaŭ mihracyjnuju stratehiju na 2025-30 hh., jakaja, miž inšym, praduhledžvaje, što ŭ vypadku pahrozy destabilizacyi krainy z-za napłyvu imihrantaŭ možna časova i terytaryjalna prypynić prava prymać zajavy ab nadańni prytułku.
Zajava nakont hetaha była zroblena raniej, padčas źjezdu «Hramadzianskaj kaalicyi» 12 kastryčnika. Heta vyklikała kamientary ŭ krainie i za miažoj. Tusk tady zajaviŭ, što budzie «patrabavać pryznańnia ŭ Jeŭropie» svajho rašeńnia.
«Ja tolki što sustreŭsia z usimi samymi važnymi hulcami. Ja dasiahnuŭ u hetym pytańni taho, čaho chacieŭ, pierš za ŭsio razumieńnia, — skazaŭ Tusk u razmovie z žurnalistami pierad pačatkam samitu ES. — Havorka idzie nie pra prypynieńnie prava na prytułak, a pra časovaje, terytaryjalnaje prypynieńnie pryjomu zajavak, dzie miaža pierasiakajecca nielehalna, hvałtoŭna, heta značyć na biełaruskaj miažy. Tut usie heta razumiejuć», — rastłumačyŭ jon.
Pavodle polskaha premjera, ni ŭ kaho ŭ ES «niama prablemy», kab pryznać Polščy prava na takoje časovaje prypynieńnie. «Taksama ŭsie razumiejuć, nakolki śpiecyfičnaja situacyja, kali ŭ kantrabandzie ludziej zadziejničany varožyja režymy. (…) Ja pavinien skazać, tolki pamiž vami i mnoj, što heta było lahčej, čym ja čakaŭ», — skazaŭ jon.
Urad u aŭtorak pryniaŭ mihracyjnuju stratehiju na 2025-2030 hady «Viarni kantrol, harantuj biaśpieku». Asnoŭnyja kirunki dziejnaści, paznačanyja ŭ im, tyčacca: dostupu na terytoryju Polščy; dostupu da nacyjanalnaj i mižnarodnaj abarony; dostupu da rynku pracy; adukacyjnaja mihracyja; intehracyja; hramadzianstva i repatryjacyja; kantakty z dyjasparaj.
Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2
Kamientary