Nasupierak dekłaravanamu namieru ekanomić, ZŠA pavialičać biudžet Pientahona da kaśmičnaha pamieru
Vajskovyja vydatki ZŠA ŭ 2025 hodzie dasiahnuć histaryčnaha rekordu
ZŠA majuć namier pavialičyć vajskovyja vydatki ŭ 2026 hodzie da $1,01 tryljona, što na 13% bolš za finansavy hod 2025.
Pra heta havorycca ŭ prajekcie fiederalnaha biudžetu.
Kali taki prajekt budzie zaćvierdžany Kanhresam, heta budzie aznačać histaryčny rekord. Nikoli ŭ ZŠA vydatki na abaronu nie byli takimi vialikimi. Heta tłumačycca nieabchodnaściu procistajańnia Kitaju i ZŠA ŭ novym, bolš niebiaśpiečnym śviecie, jakim jon staŭ paśla napadu Rasii na Ukrainu. Paśla 2022 hoda tendencyja na pavieličeńnie vajskovych vydatkaŭ idzie va ŭsim śviecie. Hrošy na ŭzbrajeńni i armiju biarucca za košt źmianšeńnia sacyjalnych vydatkaŭ, raschodaŭ na ekałohiju, adukacyju, miedycynu i kulturu.
Najbolšyja ŭ praporcyi da VUP vydatki na armiju maje na siońnia Rasija — 7,9% ad VUP. Adpaviedna, svaje raschody vymušanyja pavialičvać i jeŭrapiejskija krainy. Tak, u Polščy jany dasiahnuli 4,7% ad VUP.
Biełaruś, jakaja znachodzicca ŭ poŭnaj zaležnaści ad Rasii i de-fakta pad jaje vajskovym kantrolem, maje adny z najnižejšych vydatkaŭ na armiju ŭ rehijonie: usiaho kala 1,8% ad VUP.
Vydatki na abaronu składajuć kala 3,4% ad VUP ZŠA. Ich pavieličeńnie ŭ 2026 stavić kryž na raniejšych płanach Trampa skaracić deficyt fiederalnaha biudžetu. Viedamstvu Iłana Maska ŭdałosia skaracić usiaho niekalki dziasiatkaŭ miljardaŭ vytrataŭ, a nie tryljon, jak abiacałasia. U toj ža čas vajskovy biudžet maje vyraści na 120 miljardaŭ dalaraŭ.
Ciapier čytajuć
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam51
Kamientary
Jak heta paūplyvaje na vartasc` baksa, ci nie čas skidac` zialionyja ??? Adkažycie, Salamon, ja vam vieru...