«Vyžyła i hetamu radaja». Taćciana Karatkievič raskazała, što adčuvała padčas źniavoleńnia
Byłaja kandydatka na prezidenckich vybarach 2015 hoda Taćciana Karatkievič paśla niadaŭniaha adbyćcia 15-sutačnaha aryštu za «raspaŭsiud ekstremizmu» napisała ŭ fejsbuku post, u jakim raskazała pra toje, jak «pabyvała ŭ inšym śviecie».
«Apošnija dva tydni maich žyćciovych padziejaŭ byli žorstkimi, niepradkazalnymi i nienadziejnymi. Jak byccam by pabyvała ŭ inšym śviecie, jaki žyvie pa inšych zakonach i ŭ inšaj infarmacyjnaj prastory, jak u sieryjale «Vielmi dziŭnyja spravy». Tolki heta nie film, heta naša rečaisnaść, ad jakoj pakutujuć tysiačy ludziej i jakoj patrebny pieramieny.
Adčuła stomlenaść ludziej ad situacyi i zapyt na mir i parazumieńnie. Ja nie była ŭpeŭnienaja, što vytrymaju navat adzin dzień biez šyrokich mahčymaściaŭ vybaru i svabody. Vyžyła i hetamu radaja.
Chaču skazać vialiki dziakuj usim dobrym ludziam, jakich ja sustreła za hetyja dni, svajoj siamji, siabram i kaleham dy adnadumcam.
Vielmi dapamahaje vytrymać ciažkaści razumieńnie taho, što dobrych ludziej bolšaść, što ty nie adna, nie adzin.
Dziakuj vialiki ŭsim za dobryja i śvietłyja dumki, pozirki, słovy, abdymki, sustrečy».
Taćcianu Karatkievič asudzili pa administratyŭnym palityčnym pratakole. Jana atrymała 15 sutak. Farmalnaj pryčynaj stała toje, što ŭ sacsietkach Karatkievič znajšli niejkaje «zabaronienaje» fota z 2020 hoda.
«Jana ŭ paradku». Vyjšła na volu eks-kandydatka ŭ prezidenty Taćciana Karatkievič
Eks-kandydatku ŭ prezidenty Taćcianu Karatkievič pasadzili na 15 sutak
«Dźmitryjevu skazali: «Kali niešta nie toje, adrazu vierniešsia ŭ turmu»
Sankcyi pierahledzieć, pasłoŭ viarnuć? Što staić za «manifiestam» Andreja Dźmitryjeva
U Biełarusi pierad vybarami mohuć błakavać internet — jak da hetaha padrychtavacca, kab być na suviazi1
Kamientary
dzie ŭsie hetyja ,,dobryja,, ludzi?