Nie vyklučana, što paśla izrailskaha ŭdaru Iran hod nie zmoža vyrablać balistyčnyja rakiety. I heta drennaja navina dla «Chiezbały» i chusitaŭ.
Udar Izraila paralizavaŭ vytvorčaść balistyčnych rakiet u Iranie, pieradaje Axios sa spasyłkaj na krynicy.
«Udar u adkaz Izraila pa Iranie vyvieŭ sa stroju krytyčny kampanient iranskaj prahramy pa raspracoŭcy balistyčnych rakiet… Izrail nanios udar pa 12 «płanietarnym źmiašalnikam», jakija vykarystoŭvalisia dla vytvorčaści ćviordaha rakietnaha paliva dla balistyčnych rakiet dalokaha dziejańnia, jakija źjaŭlajucca asnoŭnaj častkaj rakietnaha arsienała Irana», — havorycca ŭ publikacyi.
Pa słovach surazmoŭcaŭ vydańnia, paškodžanyja abjekty — «vielmi składanaje abstalavańnie», jakoje Iran nie vyrablaje, a zakazvaje za miažoj, i na ich adnaŭleńnie «moža pajści minimum hod». Vysokapastaŭleny amierykanski čynoŭnik paćviardžaje słovy surazmoŭcaŭ partała, zajaŭlajučy, što ŭdar «paralizavaŭ» mahčymaści pa vytvorčaści rakiet u Iranie.
Akramia taho, krynicy ź Izraila śćviardžajuć, što padčas udaru byli paškodžanyja čatyry batarei SPA, jakija abaraniali Tehieran, a taksama jadziernyja i enierhietyčnyja abjekty infrastruktury Irana.
U noč na subotu Armija abarony Izrailu zajaviła ab naniasieńni ŭdaraŭ pa vajskovych abjektach u Iranie ŭ ramkach adkazu na ataki na Izrail 1 kastryčnika.
«Kali čuješ śvist kulaŭ nad hałavoj, heta nie nadta pryjemna». Były palitviazień — pra niaŭdałyja ŭcioki za miažu2
Kamientary
Naviny z Tel Avivu strymany vielmi A voś naviny taksama adtul Naziemnaj apieracyi Paŭnočnaha Livana ..
Za učora zahinuła 10 cachałaŭcaŭ ab paranienych ..ni paviedamlali
Kaŭrovyja bambavańnia adno a nožkami ni ŭsio jak u "halivudzie"
Z Tehierana błohiery niejkija vybuchi čuli 5-7 dalejeieka ad Tehierana
Uschod uschodnije piersy simity schłusić lohka