Navuka i technałohii33

Biełaruskija navukoŭcy niezvyčajnym čynam pravieryli ŭzrost nieviadomaha raniej cudatvornaha abraza

Daśledavańnie pravodzili nie mastactvaznaŭcy, a śpiecyjalisty ź Instytuta ekśpierymientalnaj bataniki NAN Biełarusi. Što heta za abraz i kolki hadoŭ jamu naličyli?

Rama abraza. Fota: telehram-kanał Instytuta ekśpierymientalnaj bataniki NAN Biełarusi

Navukoŭcy praviali datavańnie dźviuch došak, na jakija macavałasia pałatno abraza mierkavana XVII stahodździa, vykarystoŭvajučy dendrachranałahičnyja mietady. Abraz, namalavany alejem na pałatnie, naležyć da najbolš raspaŭsiudžanaha na ŭschodniesłavianskich ziemlach typu abrazoŭ Maci Božaj Adzihitryi.

Mietad dendrachranałohii vykarystoŭvajecca dla dakładnaha vyznačeńnia ŭzrostu draŭniny šlacham vyvučeńnia hadavych kołcaŭ dreva. Hadavyja kołcy ŭtvarajucca ŭ vyniku siezonnaha rostu dreŭ: letam drevy rastuć chutčej, utvarajučy śvietłyja šyrokija kołcy, a zimoj rost zapavolvajecca, stvarajučy vuzkija ciomnyja kołcy. Kožnaje kołca adpaviadaje adnamu hodu žyćcia dreva.

Šyrynia kołcaŭ adlustroŭvaje ŭmovy nadvorja ŭ roznyja hady. Paraŭnoŭvajučy ŭzory z adnaho rehijona, navukoŭcy supastaŭlajuć kołcy, kab vybudavać chranałahičnuju paśladoŭnaść, jakaja siahaje ŭ staražytnaść. Hetaja paśladoŭnaść dazvalaje dakładna datavać uzrost draŭniny ŭ archieałahičnych pomnikach, u tvorach mastactva i architektury.

Uzory draŭniny z asnovy abraza. Fota: telehram-kanał Instytuta ekśpierymientalnaj bataniki NAN Biełarusi

U vyniku praviedzienych daśledavańniaŭ biełaruskim śpiecyjalistam atrymałasia pabudavać draŭniana-kalcavuju chranałohiju došak abraza i vielmi dakładna vyznačyć ichni ŭzrost. Pieršaje hadavoje kołca na ŭzory draŭniny było datavana 1665 hodam, a apošniaje adpaviadaje 1769 hodu.

Ale pakolki jašče nie mienš za 5 kołcaŭ musić mieć abałona (źniešnija vilhotnyja maładyja słai dreva, jakija znachodziacca pad karoj), to supracoŭniki instytuta robiać vysnovu, što dreva było śsiečana nie raniej za 1774 hod. A moža i paźniej, bo nieviadoma, ci pačynałasia abałona adrazu paśla apošniaha jadravaha kolca na došcy.

Abraz z šatami i ŭ raznoj ramie. Fota: Chryścijanski sacyjalny centr

I choć sam abraz nie byŭ pakazany, my paznali jaho pa fotazdymku pryhožaj raznoj ramy, jakaja była źniataja pierad daśledavańniem. Hety abraz byŭ niadaŭna pieradadzieny minskimi krajaznaŭcami ŭ Chryścijanski sacyjalny centr u Minsku, zasnavany katalickim ordenam uršulanak. «Naša Niva» pisała pra zbor hrošaj na jaho restaŭracyju. 

Abraz byŭ vyjaŭleny ŭ kaštoŭnych mietaličnych šatach, na jakich majecca nadpis 1775 hoda pra toje, što muž i žonka Symon i Bryhida z Dareŭskich-Viaryhaŭ Sinievičy achviaravali na ich srodki. Jon byŭ karanavany papskimi karonami, a ŭ katalictvie karanujucca tolki asabliva šanavanyja, cudatvornyja abrazy Maci Božaj.

Vykazvałasia mierkavańnie, što sam abraz moža być jašče bolš daŭnim, čym šaty. Ale tut źviartaje na siabie ŭvahu toj fakt, što datavańnie došak amal idealna supadaje z dataj na šatach. Zrešty, samo pałatno z žyvapisam mahło być tolki pieraniesiena ŭ hety čas sa staroj asnovy na novuju.

Rekvizity, kab achviaravać hrošy na restaŭracyjnyja pracy, možna znajści tut.

«Naša Niva» — bastyjon biełaruščyny

PADTRYMAĆ

Kamientary3

  • I
    04.11.2024
    Choć adna pryjemnaja navina ŭ hetym kałhasie №6.
  • Bienia
    04.11.2024
    Užie utočniena data etoho čuda - hdie-to 51-53 pośle vtoroj mirovoj.
  • Vocat
    05.11.2024
    V rubrikie "Nauka i tiechnołohii" provieriajut vozrast ČUDOTVORNOJ ikony?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

U Žłobinskim rajonie prahrymieŭ vybuch. Zahinuli tata i dvoje maleńkich dziaciej1

U Žłobinskim rajonie prahrymieŭ vybuch. Zahinuli tata i dvoje maleńkich dziaciej

Usie naviny →
Usie naviny

Ministr zamiežnych spraŭ Litvy nazvaŭ «niebiaśpiečna pamyłkovaj» ideju adnaŭleńnia impartu rasijskaha hazu dziela miru va Ukrainie9

Aleksijevič: Ja nie dumaju, što jość choć adzin čałaviek, jaki sapraŭdy razumieje, što adbyvajecca va Ukrainie48

Administracyja Trampa choča, kab va Ukrainie sioleta prajšli vybary28

Minski Lidbeer Dvor pierajedzie na novaje miesca3

Scenarysta z Barysava asudzili dva miesiacy nazad, a ciapier na jaho zaviali jašče dźvie kryminalnyja spravy

«Kamunarka» abjaviła pra pačatak vypusku dubajskaha šakaładu5

Hihancki asietr napaŭ na rasijskuju sinchranistku ŭ Kitai padčas vodnaha šou VIDEA16

Rasijski nastaŭnik na praciahu dvuch hadoŭ tajemna źniaŭ dakumientalny film ab prapahandzie ŭ škole

«Maja pamyłka, što zapisvaju videa». Čym skončylisia rezanansnyja zvaroty da Łukašenki?11

bolš čytanych navin
bolš łajkanych navin

U Žłobinskim rajonie prahrymieŭ vybuch. Zahinuli tata i dvoje maleńkich dziaciej1

U Žłobinskim rajonie prahrymieŭ vybuch. Zahinuli tata i dvoje maleńkich dziaciej

Hałoŭnaje
Usie naviny →

Zaŭvaha:

 

 

 

 

Zakryć Paviedamić