Bahata azdobleny tvor mastactva chavaje niamała sakretaŭ. Što pra jaho viadoma i jak možna dapamahčy.
Staražytny abraz źjaviŭsia ŭ Chryścijanskim sacyjalnym centry ŭ Minsku, zasnavanym katalickim ordenam uršulanak. Siudy jaho pieradali Pavieł Karaloŭ, viadomy minski krajaznaviec, i Juryj Kudzielin, jakija adšukali i ŭratavali śviatyniu.
Znachodka naležyć da najbolš raspaŭsiudžanaha na ŭschodniesłavianskich ziemlach typu abrazoŭ Maci Božaj Adzihitryi. Abraz namalavany alejem na pałatnie. Razam z ramaj pamier abraza składaje 129 ch 106 sm.
Abraz byŭ vyjaŭleny ŭ kaštoŭnych mietaličnych šatach, na jakich majecca nadpis 1775 hoda pra toje, što muž i žonka Symon i Bryhida z Dareŭskich Viaryhaŭ Sinievičy achviaravali na ich srodki. Heta aznačaje, što sami šaty byli stvorany ŭ druhoj pałovie XVIII stahodździa, a sam abraz, vierahodna, jašče bolš daŭni.
U pačatku XX stahodździa, u čas panaŭleńnia, jaho častkova zakryli linoleumam — novym na toj čas materyjałam, ad jakoha zastałosia mnostva ćvikoŭ, jakimi jon macavaŭsia.
Paśla źniaćcia linoleumu vyjaviłasia, što na pałatnie namalavana mnostva kvietak. Taksama byŭ vyjaŭleny nadpis «DIVA VIRGO», što aznačaje «Najśviaciejšaja Dzieva».
Najaŭnaść karon na pałatnie i na šatach uskosna paćviardžaje zhadku pra cudatvorny abraz. U katalictvie karanujucca tolki asabliva šanavanyja, cudatvornyja abrazy Maci Božaj. Liturhičny akt karanavańnia zvyčajna ažyćciaŭlaje sam Papa Rymski ci delehavany biskup.
Paśla panaŭleńnia ŭ pačatku XX stahodździa stary abraz byŭ pierapisany. Dziakujučy renthienahramie abraza ŭdałosia vyjavić pieršapačatkovy vyhlad likaŭ Dzievy Maryi i niemaŭlatki Chrysta.
Na pałatnie jość straty, skraznyja praryvy, paškodžańnie žyvapisnaha płasta, asabliva ŭ miescach złučeńnia došak, jakija patrabujuć nieadkładnaj restaŭracyi. Adnaŭleńnia patrabujuć taksama šaty i vialikaja raznaja draŭlanaja rama.
Chryścijanski sacyjalny centr abviaściŭ zbor hrošaj na restaŭracyju. Achviaradaŭcaŭ prosiać paviedamlać imiony, kab za ichniaje spryjańnie pamalilisia. Paśla restaŭracyi adnoŭleny abraz budzie vystaŭleny ŭ Centry.
Hrošy na restaŭracyjnyja pracy prosiać achviaroŭvać na rachunak:
RA «Dabračynnaja Misija Dobraha Samaranina pad apiekaj Śviatoj Ursuły Leduchoŭskaj»
Jurydyčny adras: 220030,
h. Minsk, vuł. Revalucyjnaja, d. 1a, kv. 7
UNP 102366022, OKPO 380087195000
r/sčiet BY63UNBS30151611900000001933
ZAO «BSB Bank», BIK UNBSBY2X,
pł. Svabody, 4, 220030, Minsk
Uvaha. Abaviazkova paznačajcie ŭ pieravodzie, što heta DOBRAACHVOTNAJE ACHVIARAVAŃNIE NA RESTAŬRACYJU IKONY.
«Skazaŭ: ja tut ničoha prasić nie budu». Žonka raskazała, jak Vieramiejčyka pryznali pahrozaj u Litvie3
Kamientary