Restaran chutkaha charčavańnia Mak.by na Niamizie, 12B, adčyniŭsia paśla ramontu, jaki pačaŭsia jašče ŭ vieraśni. Pad imiem McDonald's jon adčyniŭsia ŭ 1999 hodzie, a ŭ 2012-m užo prachodziŭ praz ramont, piša Blizko.by.
Heta byŭ adziny restaran, dzie zakaz možna było aformić tolki na pryłaŭku la kasira. Ciapier tut źjavilisia kijoski samaabsłuhoŭvańnia, anałahičnyja tym, što možna znajści va ŭsich restaranach Mak.by.
Pryłavak, dzie raniej hości i ździajśniali, i zabirali zakaz, ciapier padzieleny na asobnyja zonu vydačy i zonu z kasami, što dazvoliła pašyryć terytoryju kuchni — u supracoŭnikaŭ źjaviłasia bolš pracoŭnaj prastory. Akramia taho, samo abstalavańnie dla padrychtoŭki pradukcyi było abnoŭlena.
Płaniroŭka zały taksama źviedała značnyja źmieny: ciapier tut 80 pasadačnych miescaŭ z całkam abnoŭlenaj meblaj dla haściej.
Źjaviŭsia i pakoj dastaŭki, jakoj raniej nie było ŭ restaranie, — ciapier absłuhoŭvańnie kurjeraŭ robicca vyklučna tam, što źnižaje zahružanaść la pryłaŭka.
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Kamientary